Ralhrang Nih Khuami Zei Sualnak Nei Lo Minung Pa Riat Hna Cu An Kut Kee Le An Lu Tan In Tuksum Tuk In An Thah Hna

SAC Ralhrang Nih An Thahmi Hna Minung 8 Ruak Cu An Thutnam Hnu Ah Hmuh An Si!Sagaing ramtthen Indaw peng Kanni (ကမ်းနီ) khuapawng ramlak ah SAC ralhrang nih an tlaih hna hnu ah thahmi hna mipi minung 8 hna an ruak cu an thutnam hnu ah hmuh an si tiah tualchung hriamtlai (Indaw Revolution – IR) nih thawngthanhnak an tuah.

November 28 lio ah Magway khuapi hrambunh SAC ralhrang nih Netmahaotgyi (နတ်မဟုတ်ကြီး) khua an luhhnawh i mipi minung 8 an tlaih hna hnu ah an liang an leh hna i minung 2 cu an lu an tan hna, a dang 6 cu an thluakzong pawt dihtiang fungin an tukhna.

Minung 3 cu khur pakhat ah an phumhna a dang 5 khur pakhat ah an phumve hna tiah theih a si.SAC ralhrang nih an thahmi hna chungah PDF minung 3 hna i an pa le hna le an upa hna zong an i tel tiah (Indaw Revolution ) in nawlngei pakhat nih Khit Thit Media ah a chim.

Author: Salai Ephraim