Ralhrang Nih Ngamh Tuk In Khua Pakhat An Luh Hnawh Hnu Ah Mipi An Hrem I Inn Lo An Rawh Caah A Fak Taktak Mi Hremnak An Cung Ah A Tlung Cawlh

SAC Ralhrang Nih Luhhnawh In Khua An Hrawh, Mei An Khangh Hnuah Khuami Pahnih Cu Ningcang Loin An Thahnak Shewbu Peng Yua Suu Yua!Sagiang ramthen Shewbu peng Yua Suu Yua cu nawlngeihnak latu SAC ralhrang ralkap nih January 24 ah khan khua cu a ningpi ti awkin mei an khanghpiak dih pinah ကိုမောင်မောင်ညို၊ ကို ငနွား pahnih cu tlaih hratin an thah tiah khuami nih Yangon Khik Thit ah an chim.

Cu khua pawngah January 24 ah khan nawlngeihnak latu SAC ralhrang ralkap le mipi vengtu ralkap karlak ah kahdohnak a chuah hnuin SAC ralhrang nih khua chungah hriamngan in an kah hnuah khua chungah lut hratin minung umnak inn vialte cu mei in an khanghpiak dih tiah thawng theih a si.Khua chungin nawlngeihnak latu SAC ralhrang ralkap rual cu an chuak cang caah khuami cheukhat cu khua chungah an phan cang i, khua cu a ningpi ti awkin mei in an khangh.

Khuami pahnih an thahmi hna ruak cu kawl cuahmah lio an si. Cupinah midang tlaih a tongmi zong an um len tiah khuami pakhat nih a chim.Atu caan karlak ah Yua Suu khua in a zaammi mipi dihlak cu khua chungah an rak phan kho rih hna lo caah a thimi zat hi fiang tein chim khawh a si rih lo tiah khuami nih an chim.

Credit:The Federal Times

Author: Salai Ephraim