Ralhrang Nih Zei Sualnak Nei Lo Salai Zei Thang An Kahthah A Nupi Le A Fa Le Minung Pali A Tantak Hna

Kalay Myo Khuachung Ah A Ruang Um Lo In Meithal An Kah I Mipi Pakhat Nunnak A Liam, Pakhat Hliamhma A Tuar!Kalay Myo, Tahan sang, Buchoh lam le Wesley siizung lamki ah hmunhma a khuarmi SAC ralhrang hna nih a ruang um lo duh poh in hriam an kah ruang ah mipi pakhat a nunnak a liam i pakhat hliamhma a tuar tiah theih a si.

Nihin, December 24, zinglei sml 11:00 hrawng ah Kalay Myo peng, Pynkhungkyi (ပျဥ်းခုံကြီး) khuami pa 2 cu cycle pakhat in Wesley siizung pawng an phanh lio ah a pawng um ralhrang nih a ruang um lo in an kah hna hi a si.

A hnu lei ṭhumi U Thian Zei Thang (Kum 35) cu a orhlei ṭang an khen caah a thi tamtuk a chuak i a nunnak a liam. A ruak cu mibawmchantu nih an rak laak. Cun cycle a mawngtu zong a kut ah an khen ve tiah theih a si.A thimi hi fa 4 a ngeimi a si tiah theih a si.

Credit: CCN Channel

Author: Salai Ephraim