Ralhrang Pa Nih PDF Sakhaan Cu Drone Hmangin A Ngiat Cuahmah Lio Mah Ti Hin An Tuah

PDF Sakhaan Drone in a Ngiathlaitu SAC Ralhrang an Kah.Nihin (August 6) ah Shanram nithlanglei PDF sakhaan Drone in ngiathlainak a tuahtu SAC ralhrang pa cu PDF nih an kah i a thi, tiah PDF-Southern Shan State Generations nih thawngpang an chuah.

PDF chungtel pakhat nih, “A zaam i kan dawi i kan kah. A thih lai ah ralkap in a tlimi ka si a ti. Tliknak lam kawl awkah drone ka thlah tiah a chim. Sii kan thlop ko nain a thi tam tuk a chuah caah a thi,” tiah a chim.An kahmi pa bag chung ah GPS seh thilri an hmuh i, a hmanmi Drone cu kan hrawh cang, tiah PDF nih an langhter.

 

Relchap: Myanmar rammi tirawl bawmh nakding tangka a za in ngeih dawh kan si ti lo tiah UN nih chim.UN Tirawl Bawm chantu (World Food Program-WFP) nih atulio Myanmar ram COVID-19 siseh, ram buainak ruang ah siseh, a ralai mi thla 6 chung ca, rammi tirawl bawmh nakding tangka ngeih dawh kan si ti lo, tiah an thanh.

Myanmar rammi tirawl bawmh nakding ah USD nuai 86 (million) a herh tiah an thanh.SAC phu nih nawlngeihnak an lak hlan ahcun Myanmar rammi nuai 2 le sing 8 hi tirawl bawmhchanh hau in an um te lai tiah an rak ruahdamh. Asinain atu ahcun nuai 6 le sing 3 hrawng hi a ralai mi thla 6 chung ah tirawl lei harnak an tong lai, tiah WFP nih a thanh.

 

Relchap: Kan pu le pawl nih mahte khuakhan lairel khawhnak pine pawl fonh in Federal democracy ramkomh dirh ding in Kachin, Shan, Kawl le tiah Panglong ah biakamnak an rak tuah.Independence kan ngah ni thawkin nihin ni tiang biakam ningin federal democracy ram dirh lo in Kawl miphun nih စစ္ဘုရင္အုပ္ခ်ဳပ္ေရး ralkap siangpahrang pennak thar tu an ser. Kawl mipi nih cu hlan ramri lei miphundang pawl cungah zeitluk indah an rak sual ti mi an thei duh lo. An ralkap pawl သူရဲေကာင္းဘြဲ႕ a phunphun he a conglawmh. Ram a daw ngaimk Kawl ralkap ah an rel, tu ceo ah ralkap siangpahrang pennak thar pei an dirh hi timi an hmuh tik ah an lau tuk.


Lampi ah mahte kal chukcho mi, inchung ah apa taang ah abenh mi, miharsa bawmchantu hna a hrem a kap tu ralkap chiakha pawl cu zei bantuk သူရဲေကာင္းဘြဲ႕ dah kan pek cang lai.Kawl miphun tel lo hriamtlai phu pawl nih 1976 kum ah National Democratic Front dirh in hmunlhat ah an doh. Kawl ram ah democracy a dir khawh ding cun ralkap anaashin hloh cikcek i လူမ်ိဳးႀကီးဝါဒီ an um lo hnu lawng ah asi kho lai tiah an zumh. EAO nih Mahte khuakhan lairel nak a ngei mi pine pawl cung ah chirchanh in federal democracy ramkomh pi kan dirh lai ti asi cang. Cu ramkomh dirh nak ding constitution 2nd draft le pine pawl nih anmah pine cio i constitution draft an ngeih viar cang. LKawl region pawl zong khi hmai lei ah cun pine ah hlen dih asi lai i pine constitution le ralkap phu zong ngeihcio seh ti in saduh an rak thah pi lengmang an lung a rak pem cio hna lo.

1988 sandahpiahnak a chuah tik ah Kawl mipi zong nih ralkap anaashin hlonh i democracy ram dirh ding an rak au pi ve. Kawl siangakchia thawngring lo an rak chuak region kip i Kawl miphun dirhkamtu ralkap ah dir an duh lo.ABSDF tiang lawng an dirh.2021 ralkap anaa a cuh hnu zongah mipi nih democracy dirh ding tiang lawng an au hmasa. Ahnu deuh ah cun federal democracy ramkomh dirh ding tiah an rak thlen than. Thalo lak in Kawl ralkap nih cun a vun phawmh tikah atu tan cu region kip ah hriamtlaih phu dirh cio ahau cang tiah anlung a vun pem ah NUG avun dir i amah nih raltha ngai in a dirkamh tik ah people defence force(PDF) tiang a dirh khawh. Caan saupi EAO pawl i saduhthah nak a tlamtling thluahmah i a caan acut tikah hmunkhat te in kan tuan ti kho cang lai tiah an hna beisei. Cucaah phaktawk PDF bawmh cio in an dirkamh hna.

Kum (70) hlei dohlennak kan tuah nak ah kha hlan cu pine pawl lawng hriamtlai phu kan rak ngei i 1988 ah khan people revolution a chuah khawh nak ding kan pehtonh kho lo. Mipi nih Kawl ram nainganyi amikmak an thei lo. 2021 cu boruak avun dang ngai, region kip zong ah PDF a vundir khawh caah people revolution lampi taktak ah kan phak pi khawh cang. Hi people revolution nih teinak thantar kan thlai khawh cang lai tiah ka zumh.Teinak ni a naih chin, lungrualnak fek chin seh law. Party dihlak, dohlentu dihlak, elected MP dihlak, CDM dihlak, CSO dihlak, biaknak dihlak…mipi kan zate in kutzatial tlaih bu in i thawh cio u si. Ralhrang anaashin pennak hrawk cikcek cang hna u si.Tei nak kan co hrim lai.

Cakilh:Hi cabia hi Catialtu Pu Thang Yen siannak in thlahmi a si.

Credit: The Chin Post