Ralhrang Pawl Nih Mipi Kan Ralkap Hna Sahuat An Pal Sual Minung Sawmkua An Kahthah Hna Kan Ralkap An Thi Ve

Karen Ramkulh Kahdohnak Ah SAC Ralkap 90 Leng An Thi, PDF 8 Nunnak Liam.Karen ramkulh, Kyainnsaitkyi peng Taungsun kahdohnak ah SAC ralkap 90 leng an thi i PDF 8 an nunnak a liam ve tiah Kawtulay rallap Lion Battalion in chim phuannak nawl ngeitu pakhat nih a chim.

January 1, zinglei suimilam 4:00 ah Taungsun khua ummi SAC ralkap le BGF minung 200 hrawng umhmun an khuarnak sakhan le BGF nih umhmun an khuarnak sakhan hna cu Bu Al Sae Wa hruai mi Lion Battalion, SOF, KNU/KNLA battalion 16, AMGRY drone phu, SSDF drone phu, Federal Ming drone phu, AIMS drone phu le AURS mine tlaitu phufonh nih an kah hna i SAC ralkap 90 leng an thi tiah theih a si.

” SAC ralkap le BGF 23 cu kanmah lei sniper kahnak ruang ah an thih caah kahdohnak chung he a thimi dihlak hi 90 leng an si. Ni 4 chung ah SAC ralkap nih Mi 35, Y 130 raltuknak vanlawng, SU-30 raltuknak vanlawng hna hmang in voi 60 leng an kan kah. Tualchung hriamtlai Lion Battalion in ralkap 2 le SOF ralkap 6 tiin minung 8 nih ram le miphun caah an nunnak an pek” tiah Lion Battalion in chim phuannak nawl ngeitu nih a chim.

Credit: The Chin Post

Author: Salai Ephraim