Ralhrang Rual Motor Ai Zul Cuahmah Mi Sawmli Kahthah An Si

Chin ramkulh, Mindat peng Matupi-Mindat kar mengtung 14 ah nizan May 12 zanlei suimilam 4:00 hrawng ah CDF-Mindat le SAC ralkap kahdohnak a fak ngai, tiah theih a si.CDF-Mindat nih SAC ralkap mawṭaw run cu bomb voihnih kan puahhnawh hna caah SAC ralkap 10 nak tlawm lo an thi, tiah CDF-Mindat nih cathanh an chuah.

An i kahnak hmun kiangkap cu phone line an phih caah CDF-Mindat ralkap pawl pehtlaihnak a har ngai, tiah theih a si.SAC ralkap mawṭaw run 60 hrawng le raltuknak tank 2 cu Matupi in May 2 ah an i thawh, Matupi le Mindat hi meng 102 aa hlatmi a si i, ni 14 an rau cang.


Tanintharry ramṭhen(တနင်္သာရီတိုင်း) Palaw peng Pawatkung(ပဝတ်ကုန်း) khua kam ah nizan May 12 zan le nihin May 13 zingkei ah Meik (မြိတ်) le Dawei (ထားဝယ်) lei a kal mi SAC ralkap mawṭaw cu, bomb voihnih kan puahhnawh hna caah SAC ralkap 40 an thi kho, tiah PDF-Palaw nih cathanh an chuah.

Nizan May 12 chun suimilam 12:15 hrawng ah Meik khua in a chuakmi SAC ralkap mawṭaw 11 le nihin May 13 zing suimilam 4:30 hrawng ah Dawei lei in a ṭummi SAC ralkap mawṭaw 16 cu PDF-Palaw ṭangṭti phu hna nih bomb an puahhnawh hna hi a si.SAC ralkap mawṭaw 27 cu PDF-Palaw ṭangṭi phu hna nih, bomb lung 7 in kan puahhnawh hna caah ralkap 40 nak tlawm lo an thi lai kan zumh, tiah PDF-Palaw nih cathanh an chuah hi a si.

Credit: The Chin Post

Author: Salai Ephraim