Ralhrangbu An Mah Le An Mah An I Kap Than Minung Kul Le Pathum An Thi

SAC ralkap le BGF anmah le anmah an i kap, 23 renglo an thi.August 19 lio, KNU Brigade No.5 hmunhma ah KNDO he aa kap mi SAC ralkap le anmah leitang BGF cu anmah le anmah tu an i kap i 23 renglo an thi tiah KNDO nih an thanh.

“August 19 zaan ah an bawi pakhat tel in minung 23 hrawng an thi. SAC ralkap le anmah leitang BGF an i kapsual i ruak cu aa pong ko,” tiah KNDO ralkap pakhat nih a chim.August 14 in 17 kar kahdohnak lio zong ah SAC ralkap 8 an rak thi bal, tiah Khit Thit Media nih a langhter.

 

Ramleng thawngpang relchap: President hlun, Donald Trump nih President Joe Biden cu a rannak in na rian i phuak tiah nizan ah statement a chuah hnawh.Biden santlaih lo ruangah Taliban ralhrang tapung nih Kabul khualipi an laak, Covid 19 zawtnak zong atu tiang na control kho lo, Mexico ramri zong tha tein na veng kho lo,

US nih ramdang bochan loin mah tein energy independence kan ngeihmi vialte na hrawh caah kan ram sipuazi zong a tla, thil man a kai tuk caah ningzak tuk na si, cucaah a rannak in na rian in i phuak tiah a ti. President Biden nih foreign policy kongah biachahnak a tuah fatin a palh peng” tiah a nolh chih.


Taliban pawl nih Afghanistan khualip Kabul an laak thawk in Obama nih a Instagram cahmai comments nak cu a phih diam an ti. Minung tam tuk sin in soiseknak le bawm halnak a rat caah Obama nih tuzing in a Instagram cahmai comments tuahnak a phih kanh diam hna caah mi tampi aipuang in a tuah ve hna.

President Biden cu thil biapi a tuah lai ah Obama sin ah ruahnak a hal hmasa lengmang tiah an ruah caah atu bantuk in Obama sin ah Afghanistan kongah an rak buai hnawhnak a si an ti.

Credit:Salai Lairamthang