Ralhrangbu Cozah Cu Innhngak Cozah Ai Ti Bu Ah UN Nih Hmaichia Taktak In A Tuah Than Hna

Myanmar Nawlngeihnak La UN Nih Cohlan Khawh A Si Lo UN chungtel hna nih nawlngeihnak la Myanmar ralhrang cu phungning in cohlan khawh phung a si lo tiah Ms. Schraner Burgener nih a chim than.

July 16 ah ralhrang bawibik chang Soe Wine he caan sau nawn bia i ruah hnu ah atu bantukin a chim than hi a si.Soe Wine he bia i ruah caan an Covid runvennak kong ah ngandamnak riantuan i tel ding in ruahnak a pek nain tuah ding le tuah lo ding bia a let lo.

Nawlngeihnak la ralhrang nih innhngak cozah ti’n min an thlen ralhrang lubik nih a mah le mah vuancichoh a pek bantukin ralhrang nih nawlngeihnak hi thlah a timh lo caah UN nih cohlan khawh ding a si lo tiah Ms. Schraner Burgener nih a chim.

Myanmar aiawh palai a si mi U Kyaw Moe Tun cu atu tiang mipi nih thimmi a si i,rampi ruahnak petu Daw Aung San Suu Kyi le President Wine Myint hna cu Myanmar mipi nih phungning in thimmi hruaitu an si tiah Ms. Schraner Burgener nih NY UN ah tuahmi Online thawng fianhnak ah a chim hi a si.

Credit: Kawhmu News