Ralhrangbu Hriamnam Ngan Ruangah Laiza Khuapi Kiangkap Khuaci An Mui

Kachin ram Laiza khua pawng ah SAC ralkap hriamngan 6 a tla August 3 zaan, Waimaw khua 58 battalion umnak pawng kahdohnak thawng pehtlai in a than lio ah KIO/KIA Central Office Laiza khua pawng ah SAC ralkap hriamngan 4 a tla.”Hriamngan pahnih hi cu Tuluk ram lei ah a tla. A dang 4 hi suimilaam pakhat chung, Laiza pawng ah a tla,” tiah khuami nih an chim.Hriamngan a tla mi ruang ah thihlohnak a um le umlo a fiang rih lo, tiah Kachin News Group nih a tial.

Relchap: No Than Kap, Ngun Cung Lian te Paul C. Tha te bantuk in position ah kan buai lo i hangkaw taw cumh le cangvat seh ah kan buai lo eh. 21 Century Generation kan si cang hih. Kan miphun caah ho nih a tuan ah dah lohma kan chuah deuh lai thlairawl kan zun deuh lai ti khi kan ruah mi si…Kan nulepa nan ruahnak thurhnawm kha nan fale kan rawnh ti hlah uh kan cohlang lo.

Kan ram cu 1947 Feb 12 ram hruaitu pawl nih Panglong Cahren min an rak thutmi ning in 1948 in Independence kan hmu ti a si nain kannih tlangcung mitlawm u pawl caah cun independence taktak a rak um lo. Panglong Agreement zong hlohthlau a si i Kawl sal bantuk ah kan cang.1961 ah Chin Pasal ttha Pu Hrang Nawl nih hriamtlaih in uknak tha lo cu a rak doh nain a phihma a chuak kho lo.1988 thawk in CNF nih Pu Hrang Nawl chiahtak mi lohma baan cu an peh i kum 33 chungah kan miphun nih a duhmi dothlennak theipar tha taktak kan hmu kho rih lo.Hi lio chan ahcun mizapi kan sii a rak fak tuk. Ramdang phan zong kan rak um lo.

Sihmanhsehlaw 2021 Feb 1 ah a cangmi uknak laknak hnu in CNF/CDF/CNDF tibantuk in mino thatha tampi nih an cawn liomi ca le an pawcawmnak rian cio kaltak in ramtang ah hriamnam he MAH cozah cu an dohthan cuahmah. Tutan ah kan tei lo ahcun zeitik chan zongah tei ding ruahchan awk a um tilo tluk a si.1962 in 2020 tiang kan zoh tikah tlangcung mi le Kawl miphun karlak itukdohnak bantuk a rak si.Sihmanhsehlaw a tu cu Kawl mizapi zong nih MAH hruaimi ralkap nih kan rampi a aiawh kho lo i kan miphun zong a aiawh kho lo tiah fiang tein an chim i anmah hrimhrim nih a lamkip in an doh cuahmah ve.

Cu bantuk caantha cu kannih mi tlawmte a asimi Chin Miphun nih tlolh lo tein kan hmanthiam khawh a herh tuk.Amah belte raltuk timi cu tangka a dih taktak mi a si. Tu ah ramchung kan unau tam deuh cu hriamnam an tlai cang, siipuazi a dir dih ngawt, ngandamnak lei in Covid-19 nih a kan den. Cucaah hriamnam cawknak siseh, eidin, hnipuan le siicam ca tiangin ramdang um hna nih a si khawh chung nan kan dirkamh a herh taktak lio caan a si.


Hibantuk in a diklomi cozah chan chia ah kan chuak i kan vanchia tuk kan ti asinain cu bantuk thatlonak doh in a thami ram hruaitu cozah a chuah khawhnak dingah caantha a ngeimi mino kan si ve hi Pathian thluachuah a si tiah cohlan ding forhfial kan duh hna.Hi uknak thalo dohnak ah kan si khawhnak lam paoh in itel ve hram hna usi tiah kan sawm hna.Mizapi dothlennak in kan ram ser tthan dingah Pathian nih kan hmang in kan umpi lam kan hruai hram ko seh!

Credit: Salai Aung San Aung