Ralhrangbu Le An Mah Dir Kamhtu Hna Karlak Ah Dohkalh Nak Le Remlonak A Chuak Cang

SAC phu bawmhnak kong ah anmah SAC dirkamhtu an vuivai.SAC phu nih Zungmawi minung 30, pakhat ah Ks.1,000,000 cio le ei ding pawl an bawmh hna i SAC phu dirkamhtu cheukhat nih an vuivai.

Ralkap caan saupi a tuan i kutkiak le kekiak tampi an um. Asinain an bawm hna lo i Zungmawi minung (Artists) pawl tu cu an bawmh hna tiin an purhdah hna i an zai.Hihi July 27, Yangon ah kumkhua upa cang mi Artists minung 30 an bawmh mi hna in aa thok mi a si.Credit:The Hakha Times

Mindat-Matupi Karlak Kahdohnak ah CDF-Matupi in Mino 3 nih Ram le Miphun ca ah Nunnak an Pek.Nizaan (July 30) ah a cangmi Mindat-Matupi karlak kahdohnak ah CDF-Matupi in mino 3 an nunnak a liam, tiah CDF nih thawngpang an chuah.

A nunnak a liammi hna cu: Salai Kung Thang, Salai Ha Tun,Salai Thang Chin Sang hna hi an si.SAC ralhrang lei in Lieutenant Colonel Zaw Zaw Soe telh in ralhrang 10 a thi ve, tiah thawngthanhnak ah an langhter.July 25 le 27 kahdohnak zong ah CDF-Matupi in Salai Zaw Myint Phe le Salai Tun Shwe an nunnak a rak liam cang.