Ralhrangbu Le Palek Fonh In Kee In Fir A Kawl Mi Minung Hleinga An Thih Pin Ah Nan Mah Chungin CDM Tuah Duh Mi Ra Uh An Ti Hna

Rallokap le palek hna mipi sin ah i fonh duh mi cu pehtlaih khawh a si tiah runvennak vuanci nih a thanh.

1.Adik mi thil le zalong tein a dim mi uknak lei ah dir in mipi thinlung ah a lut mi CDM cozah riantuan hna cu zalong te in le dikmi i uknak duh ah uknak tha lo dohnak caah kan thazaang nan si i rallokap caah tha zor ter tu si leng ah zalong tein i uk nak ramthar ser nak ca zong ah kan thazaang nan si tiah kan in ruah hna.

2.Mipi lei in a dir mi a fond ding mi caah Myanmar rallokap le police in CDM kan ram cozah riantuan mitha hna caah runvennak phu vuanci zung nih CDM card number cu a rauh hlan ah kan chuah piak hna lai.

3.CDM ah lut i cazin a pe dih mi rallokap le police chung in kanram caah cozah riantuan tu tha ah a sining theihngalh khawh nak cu thinphan ding um lo in myanmar police Telegram in pehtlaih khawh a si nak kong thawng an thanh.

Kani Pengah Bomb Puah In Ralhrang Rallokap 15 Leng An Thi Nihin July 31 ah Sagaing ramthen Kani peng Chongma le Kani kar mawtaw lampi ah ke in a kal mi ralhrangbu hna cu bomb in an puah hna i rallokap 15 renglo an thi tiah Kani peng khuami pakhat nih a chim.

Ralhrangbu rallokap hna hi Chongma in Kani lei ah ke in an rak rat lio Titwon khua chaklei an phanh ah bomb in puahhnawh an ton hi a si.Bomb in an puah hna ti le an i kap ti thawng kan theih. Minung 15 hrawng an thi, Titwon khua chaklei ah a si.An i kah hnuah ralhrangbu hna cu khua an rak kulh an tlaih mi hna zong a um.

 

Nu le hngakchia balte cu an thlah than hna.Atu ahcun an dihlak an kir cang tiah Kani khuami pakhat nih a chim.Kan hnu thla ah ralhrangbu nih Kani peng ralzaam minung 16 cu zaangfahnak pakhat hmanh tello in an thah hna i an ruak zong an hlonh sawh sawh hna tiah မ်က္ေမွာက္ေခတ္ news nih a tial.

Credit: The Chin Post