Ralhrangbu Nih CDF Sin Ah Kan Kap Hram Hlah Ulaw Tiah Loudspeaker Hmangin An Nawl Hna

Lam kan remh lai ca ah kan kap hram hlah u, tiah SAC ralkap pawl nih loudspeaker in tlangau remh kan duh caah kan kap rih hram hlah u, tiah loudspeaker in Matupi khua ah tlang an au tiah theih a si“Matupi le Mindat kar lam a cim mi kan remh lai. Lamsuul umkalnak tha seh tiin remh kan i tim. Cucaah, nan kan kah lo ahcun kan in kap ve hna lai lo i khuate pawl zong ah khuami harnak kan pe hna lai lo.

Kan kap hlah ulaw,” tiah loudspeaker in an au tiah Matupi khuami nih an chim Nihin ah Pakokku lei in SAC ralkap pawl motor 90 deng le raltuknak motor hna he Mindat lei ah an kai i atu bantuk in Matupi le Mindat kar lamsuul remh an i timh zong hi bualcam sau an duh caah a si, tiah zumh a si.


SAC ralkap in Miraltha degree hmutu Sergeant Zway Mann CDM a tuah. SAC ralkap kha-ma-ya 5, Ta-ma-kha 66 in Miraltha degree hmutu Sergeant Zway Mann cu CDM a tuah i a himnak hmun a phan cang tiah, theih a si.Sergeant Zway Mann cu ahote phu sin ah CDM a tuah ti kha Media dang nih an tialchih lo A luancia September thla dongh tiang ah SAC ralkap chung in CDM a tuah mi minung 1500 renglo an rak si cang.

President U Win Myint cu a ngandamnak chirhchan in rian chuahtak ding SAC ralbawi 2 nih an thihphaih nain a herh ahcun thi ko ning tiah leh.Min Aung Hlaing le a hnuzuul pawl nih February 1 ah nawlngeih an lakkate zinglei ah SAC ralbawi pahnih nih na ngandamnak chirhchan in na rian hi chuahtak, cu lo ahcun tihnung a si hih, tiah an va thihphaih nain ka thih le thi ko ning tiin ka leh hna, tiah nihin October 12 Biaceih zung an chuahpi lio ah President U Win Myint nih a cihm.

Credit: Laica+The Hakha Times

Author: Salai Ephraim