Ralhrangbu Nih PDF Sakhan An Lak Piak Hna Meithal Le Hriamnam Ceilak An Khangh Piak

ေရစႀကိဳ PDF pasal tha le nu sal tha hna umhmun khuar nak an sakhan pakhat cu nizan ah ralhrangbu nih an lak i an khangh piak dih hna tiah theih a si.hi konghe pehtlai in thawngpang an thanh nak ah cun ေရစႀကိဳ PDF um nak sakhan cu zinglei suimilam 6:30 ah ralhrangbu nih an lak, CDF ralkap pawl belte an zam dih manh caah tlaihkhih mi le hliam tuar mi an um hraw lo tiah an chim.


ေရစႀကိဳ PDF sakhang ah hin minung 100 renglo ralkap an um nak hmun a si.a thli tein ralhrangbu nih kah doh i sakhan lak an timh na in PDF lei dir kamh tu mipi lei nih thawngpang an pek manh hna caah an sakhan cu an chuah tak manh na in an meithal le kuafang zei maw zat pin ah an ei-din tirawl zei maw zat belte ralhrangbu nih an lak manh.PDF Sakhan chungah an lak manh lo mi thil vialte ralhrangbu nih an khangh piak dih hna tiah Khit Thit media nih a chim.

The Hakha Times Thawngpang Relchap Magwe vanlawng ralkap 36 hriamnam he an zaam tiah chim.August 21, Magwe vanlawng ralkap minung 36 cu hriamnam tling he an zaam i a himnak hmun an phan cang tiah Magwe PDF (Athli ralkap) nih an chim.Hi Magwe vanlawng ralkap hna umnak sakhan hi August 8 lio ah bomb a rak puak bal i rocket zong in an rak kah bal.Nizaan nai zong ah Dawei Kha-La-Ya 25 in SAC ralkap 25 hriamnam tlimg he an zaam tiah theih a rak si.

Atulio Social Media cung ah, “Internet line an phih cang lai. VPN tepawl zong hon (connect) khawh a si ti lo,” tibantuk thawngpang a leng mi kong ah We Check Community nih fianternak an tuah.Myanmar ram ah hin Internet Service Provider (ISP) nih man a pek mi Internet phun 5 a um.

1. Mobile Sim Card in hman mi

2. LTE hi innkip ah bunhpiak (Wireless Broadband-WWB)

3. Wifi bunh in pawngkam ah share/hman

4. Riantuannak ah Direct Internet Access (DIA)

5. Fiber in inn ah bunh (FTTH) tibantuk an si i mah hi phun 5 ah hin zapi nih kan hman khawh bik mi cu No. 1 le 3 khi an si.

Internet line hi cutik ah cuni ah ah an phih lai, ti kha ahohmanh nih chimchung khawh mi a si lo. Anicaan aa naih tik le suimilaam caan aa duh hrawng lawng ah ISP sin in siseh, adik tiin an chim mi dah lo theihcia khawh a si lo. Cucaah, ahlankan in line phih ding pawl rak theihcia ti mi cu a um kho lo mi a si i thawng diklo a si.

Cun, VPN zong an phih lai tibantuk zong hi a si kho lo mi a si. SAC phu nih facebook le social media cheukhat an rak phih lio zong ah VPN in hman khawh a rak si ko khah. SAC phu nih internet line an rak phih lio ah khan thianglak in (adihlak in) completely shut-down an tuah lo. Upload speed le download speed kha zero pawng tiang an thumh ca ah a si. Cucaah, VPN cheukhat cu ‘connected’ a si peng ko.

 

Source: We Check + Laica-The Hakha Times