Ralrinawk: Kawlram Chungah Phaisa Deu A Tuh Ceilak Te An Tleih Thinphang Ngai A Si

Thailand ram le Kawlarm ramri Karen ramkulh chung Maywadda khuapi ah nizan ah khan mipa khat nih kawlram phaisa deu (phaisa t’uh) cu tam ngai a rak iken i,ramri palik ralvengtu hna nih a dih lak in a tleih manh tiah theih a si.hi ti bantuk in an tleih mi pa hi a min ah U Htun Khaing ti a si i kum 33 mi lawng a si rih.

Sep 6 ni ah khan U Htun Khaing nih cun zinglei suimilam 11:00 hrawngah Maywaddy khuapi chungah cun kawlram phaisa deu thong 10000 ca nawt in tlap 70 renglo a put pah in rian herh nei ngai mi phun in khuapi chung a chawh lio ah palik nih an hmuh i,a ken mi phaisa deu cu an zoh tik ah a phaisa deu he a mah he tleih cawlh a si theih an chim.

 

Palik pawl hna nih U Htun Khaing an tleih hnu ah cun U Htun Khaing um nak hmun cu check hlatnak an tuah t’han tik ah U Htun Khaing um nak le riah nak hmun ah cun kawlram phaisa deu thong 1000 ca tlap zei maw zat an thuh mi a hmuh t’han rih.U Htun Khaing hi Myawaddy khuapi chungah caan zei maw zat khuasa cangmi a si.

https://www.facebook.com/AKonThiNEWS/videos/3181275918579014/?t=55

Myawaddy khuapi number 3 khuabawi pa nih a chim ningah cun U Htun Khaing hi Myawaddy khua ah a um na in a riah nak taktak hi cu Myat Myo riahbuk room number c-13 ah a riak mi a si.a duh herh cawk nak le zalh nak ah Myawddy khua chung dawr hna an si.hi tibantuk in thil kan theih hlan ah hi Myawddy khuapi chungah a um mi Kuva dawr pakhat ah thong 10000 ca tlap phaisa deu cu hmuh a si cang.cucaah mipi zong nih kan i ralrin ngaingai a herh tiah a chim.Myawaddy palik nih Htun Khaing cu Kawlram central bank pohmah 105/106 nak hmangin biachah piak ding tiah theih a si.

Credit: buannel

Author: Salai Ephraim