America President a sinak in Trump cu Democrats pawl hna nih biatak tein a sual an kawl cuahmah lio ah Trump sualnak a kawltu hna chungin CIA agent a min langhter lo mi pakhat nih cun,”Democrats candidate vialte hna chungin zumh cem mi le an tling lai tiah ruahmi Joe Biden le a fapa Hunter Biden hna kongah Trump nih a thli in Ukraine president Volodymyr Zelensky cu a chawnh i dothlatnak na rak tuah hna lai.a herh a si ah cun an nun nak tiang hmanh in na rak lak hna lai”a ti tiah a chim.
Hi ruangah Ukraine president Volodymyr Zelensky nih cun a mah pumpak bak i langh in a chim mi cu,”Democrats pawl hna nih US president Donald Trump sual an phawt mi vialte hna cu lih lawngte an si”Trump nih zei tik hmanh ah kei mah cu a ka hro bal lo i,Democrats candidate pawl hna dothlatnak tuah zong a ka chim bal lo.cun,Trump nih cucu kha kha na tuahlo ah cun America nih Ukraine ram sin ah bawmhnak kan pek mi ka phih lai ti zong a chim bal fawn lo tiah fiang taktak in a chim.
Asinain America Congress nih cun Trump sining le a rian t’uan ning cu dothlatnak tuah dingin biachahnak an tuah ning bantuk tein Trump sualnak cu an kawl cuahmah t’hiam rih.Trump nih cun Democrats candidate Joe Biden nih hin a fapa Hunter Biden cu rian a t’uanpi caah Hunter Biden nih phungkalh in ningcang lo in Ukraine ram sin ah GAS a zuarmi hna cu mi zei hmanh nih a sualnak an hmuh khah lo nak in Democrats candidate Joe Biden nih a fa pa cu huhphenh a timh tiah a chim t’han ve.
Ukraine president Volodymyr Zelensky nih Trump le a mah karlak thim umtu ning a chim ah hin Ukraine ram chung khuapi a si mi Kiev ti mi khaupi ah press conference cu nizan ah khan ngeih a si.cu press conference kaimi vialte mipi hna lak ah a chim i,Trump he cun phone in kan rak i chawn taktak ko.asinain cu kan i chawnh mi cu zeidang thil a si lo.a tu tan press conference kong kan i chimh mi tu a si tiah a chim.cun,Trump nih Ukraine ram sin ah zei hmanh bawmhnak a hal mi zong a um fawn lo.kei mah nih US le Ukraine ram cu i neih niam in um kho seh ti tu ka duh mi a si deuh tiah a chim.
Source: BBC