Rampi Ngandamnak Zung Nih Falam Covid Tlangrai A Nei Mi Cu Zeiah Rel Dawh A Si Loh.

Falam Covid Tlangrai A Nei Mi Ruangah Mipi Thinphang In An Um.Chinram kulh chung Falam khuapi chungah Covid tlangrai hrik a kai mi a um.a mah zohkhenhtu Sibawi nih hi kongah a chim ningah cun Falam khua ah Covid hrik a kai mi cu Rampi ngamdannak zung sin ah thawngthanhnak le theihternak zong feifai tein tuah a si ko na in zei ah an rel lo.hi ruangah Falam khua mipi hna cu thinphang in an um tiah a chim.

 

 

 

Hi tibantuk in bia a chim tu Falam Sibawi pa cu mipi nih a mah zong hi zawt nak hrik hi a kai ve cang lai tiah a chim mi zong an um.asinain Sibawi pa a result belte cu tlangrai hrik in a thiang rih tiah theih a si.Falam pengkulh Sibawi rian a t’uantu Dr.Khar Te nih a chim nak ah cun hi kong hi Pine ah thanh a si i,Pine nih Central ah rian rang tein in thanh nak a tuah cawlh ve.

 

 

Amah belte hi zawt nak hrik a kai mi pa hi Rampi ngamdannak zung nih thinphang in a zohkhenh ding cu a si lo.cu tluk in a zual hma mi a si lo.zawk nak hrik a kai tiah result kan hmuh mi cu ‘Rapid Antigen Test Kit’in test kan tuah hnu ah kan hmuh mi a si tiah a chim.Mah pa hi Korea ram in a rak tlungmi a si i,a rak tlun pah ah Yangon zongah thla khat deng a um mi a si.

 

 

 

Case Investigation(CI form) kha pine ah hmuh a si.cu hnu ah Pine in Central ah Covid tlangrai a nei mi hna number cu khenh a si.rampi Ministry of Health nih a pages ah an thanhnak a tuah.cu tik ah Falam mipi an lau tuk i Covid neimi pa cu Falam ah zohkhenh lo in rampi ngamdannak zung nih lak in tawlrel dingah cunglei ah thanhnak an tuah hi a si tiah Dr.Khar Te nih a chim.

Author: Salai Ephraim