Russia Progress Party le Party dangdang mipi hna i fonh in Russia ram uk tu dingah cun Putin cu kan duh ti lo tiah loh.zeicahtiah Putin nih cun Russia cu ningcang lo in kum 10 lengkai a pen/uk cang caah Russia ram cu mi dang nih an pen ve cang awk a si tiah sandah an piah cuahmah.cun, Russia mipi hna nih Russia ram chung khuapi hmun kip ah a tu bantuk in sandah an piah pin ah hin Russia parliamentary zung hmai ah le an ram ithimnak konghe pehtlai in t’uanvo neitu hna sin ah biatak tein sandah an piah fawn tiah an chim.
Cun, hi tibantuk in Russia mipi hna sandah piak nak ah an hruaitu hi Progress Party hruaitu Mr Alexei Navalny hi a tel ve mi a si.cu pin ah tuzarh chungah hin cu hlan i sandah an rak piah mi nak in sandah piah t’han dingah Progress Party Hruaitu Mr Alexei Navalny hruainak ih timhtuahnak an ngeih cuahmah lio a si fawn.Russi Putin cozah hna nih cun a ram mi sandah a piahtu hna chungin minung tampi cu a tleih hna i thonginn chungah a khumh cuahmah hna.
Hi sandah piah nak le Putin duhlonak an langhter ruangah a cozah nih cun Progress Party Hruaitu Mr Alexei Navalny zong hi tleih dingin a rak ngiat cang mi a si.july 24.2019 hi Progress Party Hruaitu Mr Alexei Navalny a Nupi Yulia Navalnaya cu a chuahcam tuak tuah piak dingin le sunghlawih piak dingin lengah pangpar cawk piak dingin a chuah lio ah Putin cozah nih cun an rak tleih hi a si tiah an chim.
President Vladimir Putin cozah nih an ram chungah rian a t’uan ning le mipi nih covo an ngeih khawh lo ning.
President Vladimir Putin nih hin Russia ram hi kum 10 le thla zei maw zat a pen cang.Vladimir Putin nih Russia President rian a tleih hlan ah hin Russia Prime Minister rian a rak tleih.cun, Prime Minister rian a rak tleih lio tein an ram mi t’hen 3 ah t’hen hnih tluk hna nih cun Putin cu Russia Prime Minister rian in chuah awk a si tiah an duh lo nak fakpi in an rak chim bal cang.
Cu hnu ah Putin nih cun Russia President sinak a cuh i felfai tein teinak a hmuh khawh t’han caah a tu tiang hi Russia President sinak a co khawh. July 22.2019 ah Russia ram mipi hna nih cun Vladimir Putin nih cun Russia Prime Minister sinak in kum zei maw zat chung cu Russia a pen cang pin ah President sinak in Russia ram cu a pen t’han. Russia ram a pen chung hi kum 10 lengkai a si cang caah Putin nih Russia a pen t’han awk a si ti lai lo.ningcang tein Russia ram nih ithimnak kan tuah t’han awk a si tiah sandah an piah.
Russia ram hi a ra lai mi September thla chungah khin an ram uk tu hna ithimnak a ngei ding an si i,cu ithimnak ah cun Russia ram chungah party a um mi dihlak hna cu Russia President sinak i cuh khawh dih si cang seh?cun, hi ithimnak cu kum dang nak in a thiam mi le felfai tein mipi nih kan duh mi vote khawh nak nawl le a duh mi paoh nih Candidates an i pek khawh nak hnga?kan duh tiah mipi cu an au tiah an chim.
Cun, Russia ithimnak ah President sinak i cuh ve a duh mi hna hi Candidates 30 an um.asinain Russia President Putin cozah nih cun Candidates 30 hna cu seat i cuh a senh hna loh.hi Candidates hna chungin Mr Lyubov Sobol le bang cu an mipi nih Russia President sinak a co dingin a tlak tiah an aupi mi le an dirkamh mi a si.Russia ithimnak le North Korea ram an ithim ning hi an i khat ngaite.an ram uktu bawi vialte hna le sinak a ngei mi vialte hna khi an ram chung ah mirum le thil ti kho taktak mi hna lawng an si tiah an chim.
Source: BBC
