NCA minsen thutnak in a kum 4nak a tlin ni bak ah Kawl ralkap le RCSS pawl hna cu cikhat chung faklak in an i kap.hi an i kahnak konghe pehtlai in RCSS/SSA Colonel Sai Oo nih a chim ningah cun Chaklei Shan ramkulh, Maingpan peng tlang Vuankan khua hlun pawng ah Kawl ralkap minung 40 hna nih ruahlo pi bantuk in an kan kah i,minutes 15 chung hrawng cu Kawl ralkap zong nih biatak tein an kan kah ve kan nih RCSS lei zong nih biaatak tein kan kah ve hna tiah a chim.
Amah belte hi thil a can nak hi ruahlo pi thil bantuk a si.cikhat chung cu biatak tein kan i kap ko na in hlan lio i kan rak i kah mi nak cu chim awk tlak tuk a si lem lo.a ruang cu ruahlo pi ah hmai tonh in kan i ton thut ruang ah a si tiah a chim.cun,kan nih RCSS hriam tlai pawl hna nih cun NCA misen kan thut hnu cun a si khawh chungin Kawl ralkap he i kah lo dingin kan hrial peng hna.a tutan kan i kah nak hmun hi Vuankan khua hlun chungah a si i Civil mi a ho hmanh an um lo tiah a chim.NCA minsen an thut in kum 4 a tlin nak cu Kawl cozah he Tlangcung hriamtlai phu i fonh in 2019 October zarh dongah sunglawi ngai in caan hman an i tim tiah theih a si.
Cun,a tutan ah Kawl ralkap he kan i kah nak cu Nawnghi khua “auksuh” chung i RCSS/SSA pehtleihnak zungah a tu bantuk in Kawl ralkap hna nih an chuah-vah nak ding hmun hna cu zei hmanh report an pek lo ruangah a si.Maingpan peng tlang chung hna cu RCSS/SSA pawl hna ram ka chuah vah nak hmun an si caah le hriamnam an hman hmaisa caah kan i kah nak a si.cu pin ah a tu bantuk in Kawl ralkap nih zei hmanh chimlo in Kanhkan khua ah an rak lut cang fawn i zing suimilam 9:45 in 10:00 tiang bak kan rak i kap cang fawn tiah a chim.
Asinain Kawl ralkap lei thangzamhtu Major General Zaw Min Htun nih cun RCSS/SSA Colonel Sai Oo nih a chim mi hna cu i pheh in Kawl ralkap le RCSS/SSA hna cu an i kap lo,kan karlak ah zei buaibainak hmanh a um lo.Chaklei Shan ramkulh a si mi Kuamlung khua le Hupin khua pawngah cun i kah dohnak cu a um ko na in RCSS/SSA hriamtlai pawl hna si lo in hriamtlai midang tu he an si tiah Major General Zaw Min Htun nih a chim fawn.2015 October 15 ah RCSS/ SSA le KNU telh in Tlangcung hriamtlai phu 8 hna nih NCA ah minsen an rak thut.cu hnu ah 2018 February thla ah Mon le Lahu nih NCA min an thut ve.a tu ah cun NCA minthu mi hna hi Tlangcung mi phu 10 an um cang.
Credit:chindwinpost
