Reuben Bualteng:America Chinmi Kan Fa Le Nih Chin Nunphung An Thlau Lo Nakhnga An Thisen Ah Lut Lak In Kan Cawnpiak Hna A Herh

A Tu lio, American ram chungum kan Chin miphun hna thawngpang theih cu a nuam lo taktak khi a si.a bik in America ram chungum mi kan Chim mino pawl hna thawngpang hi a si bik.mah le mah i thah,asiloah ningcang lo thil an tuah ruangah palik nih tleih le khih.biaceih zungah kumtling lo Chin mino chuahpi an si lai tibantuk tampi an thawngpang theih a si cang.a poi taktak.

America um Chin mi kan fale an tlau lo nakhnga (Chin nunphung an thlau lo nakhnga), nu le pa nih kan fale an thi ah Lai Paih i pai duhnak thi kan rawn hna an hau!Cucaah nu le pale nih a si khawh chungin kan fale kha Lai Paih an tuahnak hmun kip ah kan hruai hna an hau. A hmun ah a kal kho lo nih PPV in cawk in zohpi hrimhrim an hau. Lai Paih hi kan miphun nunphung lentecelhnak pakhat a sinak kong zong an thi ah kan lutter hna an hau!


A ruang kan zoh hna lai:Bawlung chuih, volleyball, basketball, wrestling (anmah mirang Paih), karate etc., pawl cu sianginn an kainak ah an tuah lengmangmi an si caah American sports or international sports an si ti cu kanmah nu le pale nih chim hau loin an theih cang.


Sianginn ah an tuah lomi cu Lai Paih lawnglawng a si. Lai Paih an i painak thawngin/ or Lai Paih kong an theihnak nih Chin mi an sinak a philhter hna lai lo.Chin mi nih kan ngeihmi kan puai hna le ka sport pakhat a simi Lai Paih hi kan fale kan hmanpi hna lo/ or kan theihter hna lo ahcun ni khatkhat cu kan Chin cultures philh in American cultures ah “completely assimilated” an si te lai i nu le pale hna kan van a sang te lai i “va va kan tum te lai.

Credit:Reuben Bualteng

Author: Salai Ephraim