Hi kong hi pastor pakhat i van ttial hi ai dawh in ka thei lem lo. Asinain ttial a herh ngaingai tiah ka ruah. Zeicatiah kan Laimi nu pawl hi va an ngeih tiang a virgin mi hi percentage (abuaktlak) in an tlawm ngaingai ti a si. “Ka virgin lo zongah kan pa nih zeitinhme a theih lem la?” tiah a ruat i virginity an sinak kha va an neih hlan in a hlothlau mi an tam tuk. Hi nihhin Laimi kan nunphung hi a hrawh dih. Hi ca ka ttialmi ah chirhchanhnak caah ka laak dingmi hna cu nai i Dr. Pari nih a chimmi chungin le Baibal siangin i ka rak cawnmi Marriage and Family timi chungin a si lai. Zir kong ceih ah nan ka rel nak hnga lo kan nawl hmasa hna. Laimi kan nungak cheukhat pawl i ralring cang hna seh ti duhnak saduhtahnak he ka ttialmi a si.
1.HYMEN;Mirang nih hymen a timi cu nu thilri kua chung i lehmah a cheu hrawngah a um tiah Dr. Pari nih a ti. Hi hymen hi Pathian nih nu a ser hna ah khan orginal bakin an rak ngeih dih. Hymen cu titsa pan te a si i cu nihcun a kua kha a chunglei in a khar. Asinain nuphung an theih tikah a thisen a chiami chuak kho dingin a kua fatete hymen ahcun an um. Hymen hi a phunphun in a um. Acheu hymen cu pali in an awng, a cheu cu pathum lawng a awng, acheu cu hrin pakhat bantuk men khin ai zam tiah Dr. Pari nih a chim. Kha hymen aphunphun ia ummi kha sibawite nih min an sak dih hna i hymen phun khat cio nih min an ngeih dih.
2.HYMEN NGEI LO MI;Nu tampi lak ahhin hymen nei lo in a chuakmi hi tlawmte cu an um ve. An nu pawchung in an chuahnak bakin hymen ngei loin an um tawn. Asinain hi bantik minung hi cu an har taktak. 1% an tling men lai lo tiah sibawi thiamsang nihcun an chim.
3.HYMEN AI RAWK NING;Hymen ai rawknak hi aruang a phunphun a um. Cycle cit ruang ai ai rawk kho. Rang i cit ruang ah ai rawk kho. Khairiat hna zam i khairiat per lente i celh ruangah ai rawk kho, karate hna cawn ruangah hymen ai rawk kho, cun masterbation timi nu nih mah diriamhnak tuah ruang le dildo (pa thilri a lem) hna hman ruangah hymen ai rawk kho, nu nih kutdong in i sawh ruang ah ai rawk kho, cun pa he ihttinak in hymen ai hrawh ko. Cucaah nu pakhat nih hymen a ngei ti lo asi ahcun acunglei aruang pakhatkhat ruang ah a si ti cu a fiang.
4.ASIAH ZEITINDAH NU VIRGIN CU NA THEIH NE LAI?Dr. Pari nihcun nu virgin hi theih khawh a si lo a ti. Hymen cu zeitipoh in ai rawk khawh ko caah virginity test cu asi kho lo tiah a ti. Asinain kannih nih Marriage and Family ah kan cawn ning ahcun nu pakhat kha virgin a si le si lo theih nak caah cun, a hymen a um rih maw, um ti lo ti in theih khawh a si. Hymen a neih rih a si ahcun a voikhatnak sex a tuah ah khan a thi a chuah lai. Hymen kha a tlek lai caah a thi a chuak hrimhrim lai ti a si. Lentecelhnak le hymen ngei lo i a chuakmi a si ahcun a voikhatnak sex a tuah ah khan a thi cu a chuak men lai lo. Asinain a fak lai. A intuar ning in nan theih lai. A nuam ruang intuar siloin a fah ruang i a intuar khan nan theih lai ti a si. Cucaah nu pakhat nih sex a tuah tik i fah zong a theih ti lo, a nuamnak lawngte a theih cang ahcun pa he an it tti bal cang tinak a si lai. Pa he an ih tti bal lo hmanh ah dildo a hmang tawnmi a si lai tiin an kan cawn piak.
Cucaah kan Laimi nungak pawl rak i ralring cang hna uh. Keimah kha pumpakin ka hua hlah uh. Pumpakin ti hnawhmi kan ngeih hna lo. Kan Laimi hi fel deuh in nung cang hna usih ti ka duh caah mah hi ca hi ka huam na lo in ka ttial. Sex education hi Khrihfa nih kan herh ve.Nu pawl nih nan experience vun chap cio khawh a si.
Credit: Rev.Dr. Aung Myint Thang