Kan ram chim cia bantuk in American president Donald Trump cu a nun nak tiang in a him ti lo ruangah American ram chungah Pathian nih a hman taktak mi tleicia Rev. Billy Graham i a fa pa Rev.Franklin Graham nih cun june 2 ah vawlei pumpi khrihfa vialte hna sin ah Trump caah thlacam piak dingin thawngzamhnak a rak tuah.Rev.Franklin Graham nih thawngzamhnak a tuah ning bantuk te in june 2 ah khan Manchester, New Hampshire state chungah thlacamnak cu tuah a si.
Trump caah thlacamnak an tuah mi hi a min ah”Special Day of Prayer for Donald Trump”tiah min sak a si.hi thlacam nak ah a telmi hna hi khrihfa biaknak lawng a bia mi si lo in biaknak dangdang an hruaitu tampi zong an itel chih fawn.an mah le pathian sin cio ah Trump caah cun thlacamnak an nei cio.cun American ram chung khrihfa biaknak dangdang hruaitu hna cu minung 300 lengkai an si tiah an chim.
Cun Trump caah thlacamnak an tuah ni june 2 ah hin ramdang lei khrihfa mi tampi hna zong nih Trump caah thlacamnak a rak tuahmi zong tampi an rak um ve i,cu lio ah cun Trump a dotu ram dang pawl hna nih cun june 2 cu Trump soiselnak caah a rak hmang mi hna zong an rak um ve t’hiamthiam tiah an chim.
Rev.Franklin Graham nih cun mipi hna sin ah,”Trump caah biatak tein thlacam piak dingah ka thin lung ah a lang.Trump cu US ram hruaitu le nawlngei cemtu a si pin ah vawlei pi a uk tu ding zong a si.US ram a him a si ah cun vawlei pi a him ti nak a si ko.Trump cu Pathian nih US le vawlei cung uktu dingah White House inn rangpi chungah Pathian nih a rak hruai/luhter mi a si.cun vawlei cung ah remdaihnak le zalonnak um a duhmi paoh nih biatak tein thla kan cawm awk a si”tiah a chim.
Source: BBC