Rev.Thla Awr Bawihrin: President Trump cu mipem, refugee zawn a ruat deuh lo

India, Malaysia ah a ummi kan phun hawi a tang rihmi hna caah ruahchannak he US state Department, Refugee a tlaitu upa kan ton hna. Richard Albrigth le Larry Brett an si. An kan lehmi cu: President Trump cu mipem, refugee zawn a ruat deuh lo, mipem hna nih US an thur hnawmhternak, US cu Mirang, white lawng umsehlaw, a tha bik lai’ ti bantuk lungput angeimi President a tuan lio asi i, a fawi lonak an kan chimh.Thla Awr Bawihrin Nih Malaysia CRC Riantuan Tu Hlun Cu Fak Taktak In A Den Hna.

 

Cun, Malaysia ah CRC maw, refugee tawlreltu hna upa riantuan thiam lo ruangah, phaisa duh ruangah, dinnak in riantuan loin hmuhnak ding caah rian a tuanmi hruaitu ruangah min, chuah ni, nulepa min aa khatmi ruangah Chin cu milih, mi hrokhrol ah an kan ruahmi ruah tikah ngaih a chia ko. A kan bawm tontu US upa zong hmaikhah an si lo. Frauds case an peh zulh than lai’ kong an chim.

 

 

Miphun zawn ruat lo, dinnak ruat lo, zeibantuk minung dah ka si, zeibantuk miphun ca ahdah ka tuan’ ti lungput ngeih loin, minung min a zuarmi, lih zeihmanh a rel lomi, Bawipa a tih lomi, CRC upa le Hruaitu cheu khat an tuhmi thlaici cu Chin miphun nih kan zuun/ lai. Nga a thumi pakhat ruangah nga dang an thu dih’ timi tuanphung bantuk in, hrauitu tlawmpal Bawipa tih loin sualnak an tuah ruangah, Chin miphun cu milih, mi hrokhrol, zumh awk tlaklo’ tiah auh kan simi cu ngaih a chia ko.

 

Khrihfa sinak a lang lo, Setan fa sinak a lang ngai.Bawipa kan zumh kan timi hi zei set dah asi hnga?Miphun a cawisang tu cu lih le sual tuah nak in asi lo,dinnak, sual huatnak, thlachiat ruahnak nih miphun a cawisang’ ti hi ruat in Chin miphun nun ding hi ka thlacamnak asi.

Credit: CBN