Rev Van Ram Uk Te A Hawi Pa Nan Pahnih Tein Ram Rian Le Pathian Rian Hi Zeitindah Kan Tuan Awk A Si Biahal Kan Duh Hna

Dear Rev.Van Ram Uk, Nan pa 2 tein nan dam ko lai dah?.Kan vawlei ram ah Covid he ralkap le mipi he i tuaitam cuahmah lio a si caah kan pumsa retheih lawng si tilo in kan thlarau nun nak tihal lio pi a si ko e.Thla cam nak thazang tal in i theih i bawmh cio uh si.Thawngthabia in kan kawlram pumpi a rawl a tam a ti a hal bik caan a si.Thawngthabia chim nak kan Biakinn hna cu kan i fuh panh kho ti lo i a poi taktak ko.

Covid- 19 zawtnak nih kan um nak cio kip ah a um cang i i tawn i hmuh bia i ruah caan tha hmuh laihi duh cio a si ko lai nain a caan i hmuh hi a fawi ti lo. Kan Lautu ram ah PaPa Pu Hlun Ce he tiah Tang 12 na kai lio Hriangpi khua thar civui lio caan ah kan rak tlawnti lio caan kha le kan eidin ti lio caan bantuk kha a tu ah cun lungretheihnak khua leram kan Lairam a si tikah lung a fak tuk.

Ralbawi uknak a lak rih hlan Phone in kan biaruah Lautu ram ah Airport hmunrawn tha hna le kan siaherhmi bia kan ram caah kan bia ruah kha a si kho nak lam a fawi lo. Mi bochan nak in Pathian bochan a tha deuh timi kha ka thazang bik a si.Vawlei pi hel in thawngtha bia na va chimh mi hna hi kan Lautu ram le kanChinram thluachuah kan hmuh nak caah si hram seh.Vawleimi kan si hna caah ni khatkhat cu kan vawlei kan khua kan ram kan pemtak diam te lai mu.A si ah cun a nung rihmi techin fapar hna caah Ramrian le Pathian rian hi zeitin in dah kan nun lio caan ah kan ruah awk a si?. Bia hal kan duh.

A ruang cu Vawlei fimnak rumnak nih hin kan thlarau nun nak lam tam pi a hrawh khawh caah a si.Vawleinun lio ah thancho nak caah lam sialtu uktu tha hna nih Ram le miphun caah saduhthah mia phunphun tuan awk timhlamh mi hi thlarau riantuannak dawnkhan tu a si sual maw?.A tu lio kan tawn mi vialte hi kan tawn cuahmah mi a si caah Thlarau lei Pa timi hna nih kan Myanmar in kan Chinrampumpi ca tiang in zumtu kan caah bawmtu tha a si hnga mi Thlarau rawl nan kan fian piak ahcun kan nun rih lio caan ca he nunliam tak tik caan ca tiang ah thawngthabia cawnpiak hi kanherh bikmi a si.Pathian riantuantu kan nu kan pa hna nan dihlak nih zumtuhna caah biatak deuh in thlacamnak he thazang thar kan pe uhlaw ti mi kei mah kanlungsiaherhmi ka vunlangh ter mi a si. Nan riantuannak ah BAWI PA nih dam nunkhuasaunak a van thluachuah he lam in hruai in umpilengmang ko hna seh.Ka lawm. Ka ca bia cung ah a ruah zia rak thiam piak hram ko tiah kan nawl.

An dawtmi Pu Hup Thang
Credit:Hup Thang

Author: Salai Ephraim