Russia Cozah Kongah UN Security Council Nih A Lungtlin Lo Nak A Langhter Ning Cu Dah Ngai

Russia cozah nih cun Ukraine ram language law (phunghram) konghe pehtlai in United Nations Security Council hruaitu hna sin ah ceih piak dingin nawlpatnak a tuah mi cu UN nih an rak hnawl piak diam hna tiah an chim.

 

Russia nih UN sin ah nawlpatnak a tuah mi cu ningcang tein UN Security Council nih an ceih piak i UN chungtel 15 tluk ah chungtel minung 5 lawng bak nih Russia cu an cohlan tik ah hnawl piak an si nak cu a si.

 

UN Security Council nih agenda an thawh mi chungin UN chungtel 15 tluk ah minung 9 tal nih cu agenda cu an dirpi lo a si ah cun ceih lo in cu agenda cu hnawl piak cawlh an si.

 

Russia agenda chuahpi mi a duhlo tu hna ram pawl hi France, Germany, United States, Poland, Britain, Belgium ram hna an si.ram pa 4 hna nih cun ceihpiak dingin vote zong an thla duh lo.France ambassador Francois Delattre nih cun Russia le Ukraine ram karlak kongah UN nih kan ceih piak hna awk an si lo.kan ceih piak hna zongah zei hmanh t’hat hnem nak a nei fawn lai lo tiah a chim.

Russia ambassador Vassily Nebenzia nih cun Ukraine law (phunghram)an ser t’han mi ruangah hin Russia le Ukraine karlak ah thil t’halo a chuahpi khawh.cun Ukraine law hi UN nih a rak cohlan cang ti nak a si i UN Security Council nih ceihpiak lo in nan kan hnawl piak mi cu a poi taktak tiah a chim.

 

Source: CNN

Author: Salai Ephraim