Ruahchannak A Tam Chin Leng Mang Kawlram Mipi Caah Cun Thawngpang Tha Taktak A Si

Tlamtlinghram seh.Myanmar Democracy kong biapi ah chia in President Biden le UN SG Antonio Gutteres nih UN ah chim.Avoi 76nak UN General Assembly biachimnak ah US President Joe Biden le UN Secretary-General Antonio Gutteres nih Myanmar ram Democracy kong biapi ah chia in an chim.

“Myanmar ram democracy hmuh khawh nakding, Daihnak a um khawh nakding, Nuhrin Covo kong le ningcang an i uk khawh nakding ah mizapi cawlcanghnak hi kan cohlan ning a pialsual lo i nihin tiang fek tein kan dirpi,” tiah UN Secretary-General nih a chim.

“Vawleipi ah hin Democracy chan a dong cang tiah thanh ding in nawlngeihnak kha ningcanglo in a hmangtu hna nih an i zuam peng. Hihi a palh. Democracy cu khoika hmunhma poh ah a um i Myanmar tam zong ah a um.

Khoika hmun poh ah ziknawh eihmuar dohtu phu, nuhrin covo a rungvengtu, Media riantuantu (Journalists) le remdaihnak ah a cawlcang mi hna tiin hmaisuang ah ral a do cuahmah mi an um thiamthiam,” tiah President Joe Biden nih a chim.Tutan UN General Assembly ah SAC phu meeting kainak nawl an ngeilo i NUG in U Kyaw Moe Tun lawng Myanmar ram ai-awh in a kai.

Credit: Laica+The Hakha Times

Author: Salai Ephraim