Ruahlen Awk Tlak A Si!Hakha Phungning lo inn hrawh mi ah Khuaruah a thiam mi si kan herh

A tang lei bia hna hi keimah hmuhnak le ruah ning an si;Tu kar hrawng cu Kan kawlram pi zoh ah abuai in a buai ii mitthli luannak nih atlum lo hlah maw ti awk in kan kawlrampi ah ngaihchiatnak thiltampi a cang.Ralhrang le kawl ralkap ikah ruang,Tilianhruang,Phungning lo inn hrawh ruang tiin kan rampi hi a buaibak in a buai dih.Kan unnau inn hrawhpiak a tawngmi kongah lung a nuam lo I ngaih achia hringhran,a cozah pawl zawng bantuk in mi inn le lo khua sak nak an hrawh mi hi an lung a tha in anuamh ve hlei ka zum lo.Lai hlum um mi Laimi cio mah le inn hrawhpiak si cu kan duh cio lailo I kan thinlung hi a tap dih cio ko lai.

 

A sinain thil hi a ruah zia kan thiam hi a biapi taktak mi a si.a ruah zia kan thiam lo mi thil poah poah hi zeihmanh thatnak a um lo.a cozah le Mipi kar buainak hi a fak taktak mi le ngaih a chia bak mi a si tikah mipi kan buai dih ii a ho dah tanh ding le tanh lo dingah kan buai hna.Thil hi kap hnih bia iruah ii khuakhan ti ah cun zeipoah hi a lam a um dih deuh ngawt mi an si ko.Hnawhhnaw nam tuk in thiltuah hi palhnak aum theu tawn.cu tikah a cozah zawng hi khat leikap ruah ah cun an palhnak zawntete a um ve ko tiah ka ruah cucu!

 

Inn an hrawhpiak hna hlan ah khan an mah inn hmun loram a ngeimi kha tawn biaruah hna ii hihi hakha khuapi thanchonak dingah samh kan duh ii tiin bia iiruah tii khuakhan ti ding ans ii cucu a harmia silo nain an tuah lo mi a lo.cun an inn an hrawh piak mi hna hi keimah hmuhnak ah cun an thing le rangva an inn sak nak thilri hi hman awk tlak tilo in an hrawh mi a um.hihi an hrawh zawngah rawk tuk lo ding hman than awk tlak ding le zuar than awk tlak dingin hrawh khawh an siko tiin ka hmuh.setci in an hrawh ko ca ah setci nih cun dintein nampiak sehlaw a an thingrua le hmanrua pawl an him lai ii mipi ngaihchiatnak zawng a tlawm deuh lai.an hrawh dih cikcek tikah an phaisa an thleh piak dih hna bantuk a si.cun a cozah nih upadi bochan awk a tlak tuk lo mi upadi an ii tlaih tuk deuh hlah maw ka ti, kum 2008 phunghrampi hi mipi ca ah rinhchan awk a tlak lo mi a si ca ah NLD nih remh a timh nak a ruangzawng hi a si.keimah hmuhnak.

 

Acozah an palh bantuk in mipi an palh deuh ve ko tiah ka ruah mi,acozah hi an mah nawl in thil an tuah khawhmi a tlawm ti hi an theih ve a hau ko rua ka ti. Upadi tha lo mi tangah kan um dih tikah,cu upadi cu Remh a si hlan cu amah tangah kan um dih ti kan theih a hau.upadi leng in mipi mit hmuh fiangtuk ah riantuan ngam a silo a thlithup in an tuah tuanmi cu a um ve ko lai.A ruang cu Minung kan sinak he then khawh a silo ti tluk hrawng a si.cu tikah Chin cozah NLD tiin mawh kan phurhter mi hna hi cu kei ka hmuhnak ah cun ka uar lo.Upadi tangah um mi an si tikah Upadi bang rian antuan mi a si ii cu tikah Kum 2008 phunghram a that lo ziatu kha kan ii fian ahau.a tu Upadi ning in an tuan mi zawng hi Dal 32(a) bang in kan tuan tiah an chim.a si mi a siko.Upadi an ti ah cun Upadi kan ngeih mi cu a that fom lo ruangah cun riantuan tu mawhpuh hi an fawi reng.

 

Hi thil cang mi hi Vawlei cung killi ii Laimi um mi nih dihlak kan um a nuam lo ii kan ngaih a chia dih hna.hi thil kongah hin ngaihchiat ruang ah le Lungsi lo tuk ruangah Biaka tha lo chim le holh sual a fawi te mi si. Kau deuh in khuaruah ii lungfahtuk nak le thiltha lo ah hman ii tim lo in Anem nak a dawhnak deuh tu in kan kaphnih lei nih kan hmuh thiam veve cu a herh ko rua tiah ka ruah.

Note : A cung lei Bia hna hi keimah hmuhning le ruah ning an si a ho hmanh tanh hlei mi le tanh lo hlei um an um lo.

Credit: Salai CSthang Cp

Author: Salai Ephraim