Ruahlo Pi In Pakistan Ram Chungah Bomb A Puak I Jaishe Mohammed Ralhrang Bawi Faklak In Aa Hliam

Pakistan ram chung khuapi a si mi Rawalpindi khua chungah a um mi a cozah ralkap hospital chungah ruahlo pi in bomb a puak ciammam i minung 10 bak faklak tein hliamhma an tuar tiah an chim.cun hliamhma a tuar mi hna chung ah hin UN nih vawlei cung ralhrang hna lak a telh cangmi Jaish-e- Mohammed ralhrang hruaitu Mr Masood Azhar zong a tel ve tiah an chim.

Asinain Pakistan cozah nih a tubantuk in a ram chungah bomb puah nak a chuak mi cu zei kong hmanh a chim phuan duhlo pin ah hliamhma a tuarmi hna le mithil an um le um lo zong a chim duhlo na in Quetta ram in a ra mi Human Right rian t’uantu Ahsan Ullah Miakhail nih hi thil kong hi a chim mi a si tiah an chim.cun Human Right rian t’uantu Ahsan Ullah Miakhail nih Jaish-e-Mohammed ralhrang hruaitu Mr Masood Azhar a hliam ti a chim mi kongah tehte hmuh awk a um rihlo tiah an chim.

Cun,Pakistan cozah nih cun a tutan bomb puah nak konghe pehtlai in media pawl hna cu mi zei hmanh nih thawnh zamhnak le thil sining tlangzarh piak lo dingin a chimh dih hna pin ah hi thil kongah thawngzamhnak le tlangzarhnak a tuahtu hna cu hrem nan si lai tiah nawl a chuah tiah an chim.cun hi bomb puah nak konghe pehtlai in Pakistan cozah nih cun zei hmanh thil theihmi kan nei rihlo ti lawng an chim i thil sining kongah a cozah nih cun Official te in thawnh zamhnak an tuah mi a um loh.

Source: BBC

Author: Salai Ephraim