Rung Lian Ceu Kei Mah Paih Na Ka Duh Ah Cun Ka Kawi Pa Mang Ceu Lian Zong Nih An Hngah

Vaurawng Zuunthli media nih Salai Biak Hmun Sang ton biaruahnak an neih nak ah leh nak a tuah ning cu uar a um chin lengmang.biahalnak an tuah mi hna chungin Salai Rung Lian Ceu nih lehnak a tuah mi hna kongah kan bia hmaisa ah khan kan rak langh ter bal cang caah a tu cu Salai Biak Hmun Sang nih leh tampi bia a chim mi chungin a biapi tu kan vun langhter lai.

Salai Biak Hmun Sang nih, a tutan ah teinak ka hmuh mi timhtuahnak ka neih mi hi Salai Rung Lian Ceu lawng si lo in a cak cem mi tei nak dingin timhtuah nak kan neih mi a si,Rung Lian Ceu a cak cem a si caah ka timhtuah ning tein tei nak cu ka hmuh mi a si ko.Cun, Rung Lian Ceu he i paih t’han ding mi kongah voi 2nak tiang interview an kan tuah cang i an ka hal peng! cu hlan ah ka chim peng cang mi kha a si i a nolh zong kan zuam ti loh.zeicatiah zeiruangahdah ka tei cia mi he cun kaa paih t’han ti lai?Rung Lian Ceu zong nih mah bantuk bia kha a chim peng awk a si ti lo.kei mah he i paih t’han a duh ah cun Round 16 ah ai paih i a tei dih hna hnu lawngah kei mah he cun ai pai ding mi kan si tiah voi tampi ka chim cang.

Mah ka bia cu voi tampi ka chim cang na in RUng Lian Ceu nih a thei fiang kho loh, asiloah ka interview maw a zoh lo a si hnga?Rung Lian nih mah bia hi a nolh t’han lengmang a kan hrial e cu e kha e..a ti peng, ka biachim mi hi t’ha tein rak ngai seh,a donghnak bik a voi 6nak world championship taisawm cu kei mah kut ah a um!mah hi sianginn kai mi a si ko ah cun t’ha tein rak rel seh.ai fiang maw?a rel thiam lai tiah ka ruah!

Biak Hmun Sang Nih Rung Lian Ceu Sin Ah Mah Tin Biachahnak A Tuah,Kei Mah Paih Na Ka Duh Ah Cun Rung Lian November Thla Ah Ra Law, Ka Hawi Pa Mang Ceu Lian Zong Nih An Hngah I Singkhaw Ah tei nak a hmu mi paoh cu kum vui ah kei mah nih ka paih lai,atu tan November thla ah na rat lo ah cun can tha ka nei kho ti lai lo,cucaah rak i tuak ko law bia tampi chim lo in tuah ser nak tu in kan langhter lai tiah bia a cah ta.an biachim ngaih na duh ah cun credit kan pek mi khi hmeh piak law na ngaih khawh lai.

 

Credit:Vaurawng Zuunthil – Vaan ralvennak