American Trump cozah nih a duhlo taktak mi Russian S-400 missile defense system pi cu Turkey ram chungah an phan cang.hi konghe pehtlai in Turkish Defense Ministry nih cun hi hriamnam kan neih mi cu Tukey cozah a t’han nak cem hmun a si mi Ankara khua Murted Air Base ralkap an um nak hmun ah chiah a si tiah a chim.
Amah belte cu Turkey cozah nih hi hriamnam a neih mi kongah a hman nak ding kong zei hmanh biachahnak a tuah rih lo tiah Turkey’s defense industry nih a chim.cun,Turkey nih Russian S-400 missile defense system cawk a rak timh ruangah hin American cozah nih a rian t’uanti hawi le NATO chungtel pawl hna sin ah Turkey cozah nih hi tibantuk thil tuah a timh mi ruangah Turkey cu hrem dingin a rak chimh cang hna.
Cu hnu ah American nih cun a ram chungah Turkey cozah ralkap training a pek mi hna zong a hnawl ve hna i,Turkey cozah sin ah cun Ca zong a kuat hna tik ah Turkey nih Russian S-400 missile defense system kan neih khawh nak ding caah caan saupi chung rian kan t’uan cang i cawk hrimhrim dingin biachahnak kan tuah cang mi a si caah kan cawk ko lai tiah an leh hna.
Cun, American President Donald Trump nih G-20 ton biaruahnak an neih lio ah Turkey President Recep Tayyip Erdogan cu zaangfak taktak na si,Turkey nih hi thil hi tuah hlah law cu NATO nih na caah thil t’ha tampi kan tuah khawh ko na in,hi thil na tuah caah hin nang mah le nang mah na lam na phih a si ko tiah a chim.
Ref: AF
