America nih Russia ram he remdaihnak an tuah hnu in a voi khat nak a hriamnam medium range cruise missile cu hneksak nak a tuah taktak ve ko cang. America nih a hriamnam medium range cruise missile hneksak nak a tuah mi hi Intermediate Range Nuclear Forces rian t’uan nak hi a duh bak lo mi le a kham peng mi a si.
Hi thil ruangah hin Russia nih cun America nih a hriamnam medium range cruise missile hneksak nak a tuah mi hi Intermediate Range Nuclear Forces rian t’uan nak zei ah a rel lo bia le phunghram a buar mi a si tiah sual a phawt. asinain America nih cun August 2 ah khan ah khan Russia he remdaihnak kan rak tuah mi lawng si lo in Intermediate Range Nuclear Forces rian t’uan nak in ka chuak cang caah sual phawt awk zei hmanh kan um lo tiah a chim.
Hi konghe pehtlai in Pentagon nih cun America nih a hriamnam hneksak nak a tuah mi hi an sual ti le an sual lo tiah a chim lo i,hi hriamnam hneksak nak an tuah mi cungah hlawh tlin nak taktak kan hmu tiah a chim pin ah hi hriamnam cu California khuapi chungah hneksak nak tuah a si tiah a chim.Russia president Putin nih cun US nih hi bia a chim mi le i phetchem nak a langhter mi hi rinhcanh awk tlak bia zei hmanh an um lo an chim sawhsawh biatu a si deuh tiah a chim.
Hi hrimnam hneksak nak an tuah mi hi Pentagon nih a chim ningah cun US Navy kut tangah rian t’uantu hna San- Nicolas Island hmun a si mi Los Angeles ah hneksak nak tuah a si.cun, hi hriamnam lak ah hin nuclear hriamnam he a pehtlai mithil zei hmanh a um loh tiah a chim. US defence department nih cun a tutan ah hneksak nak kan tuah mi hriamnam cu 500km renglo hmun a phanh hnu ah a puat tiah a chim.
Source: BBC