Russia ram nih cun FaceApp a ser i,cu a sermi FaceApp cu American ram chung mino tampi nih an hman tik ah American Senate Minority Leader Chuck Schumer nih cun Russia nih hi thil a sermi hi,ser hnawhchan a ngei kho cu caah Russia nih hi thil a tuahmi konghe pehtlai in FBI le national security hruaitu hna nih dothlatnak nan tuah awk a si lai tiah a chim.
FBI hruaitu pawl hna nih FaceApp konghe pehtlai in rian rang tein dothlatnak an vun tuah tik ah FaceApp a tleitu hna cu Russia ram in a lang i,zei ruangah dah hi Russia ram sermi FaceApp cu American ram chung data ah an peh khawh ning le zei ruangah dah American ram minung hman awk in a um khawh?hi thil hi Russia nih American ram chungah tuah a timh mi pakhat khat um dawh a si tiah New York senator pakhat nih FBI pawl hna ralrin nak a pek hna tiah an chim.
Cun,Russia sermi FaceApp cu American rammi citizens 100 tluk ah 80% tluk nih an hman cang.hi kongah Democratic National Committee hruaitu hna nih cun Russia sermi FaceApp ruangah American cyber security thil pakhat khat a rawh i ningcanglo thil a chuah a si ah cun FBI le national security hruaitu hna nih t’uanvo an lak awk a si lai.cun, hi thil hi a ran nak in an delete awk a si fawn lai.zicahtiah 2020 US ithimnak ah Russia nih thil pakhat khat tuah t’han a timh bia a si tiah Washington Post in an chim.
Cun, Russia nih a sermi FaceApp hi a zei ti hmanh in American cyber data ah a nunter khawh nak ding a lam a um loh.a tu bantuk in Russia nih hi thil a tuah khawh nak a lam cu Trump rian t’uan a t’hat lo ruangah a si i,Russia nih US Democratic officials pawl hna rian t’uan ning theih a duh caah a tuah mi a si.Russia nih a thil sermi hmang in Democratic rian t’uan nak theih dih a timh caah a si an chim.asinain American Senators pawl hna nih hi tibantuk in rian t’uan an i timh mi kongah Russia nih zei hmanh lehnak a tuah rih lo.
Source: AF
