Russia President Pu Tin Cu Tih Nung Taktak A Si Cang Ral A Thawhter Hrim Lai Tiah Zumh A Si

Putin nih Soviet Union Empire dirh tthanh aa timh tiah an zumh. Ukraine zong hi a tuk hrim ko lai tiah analysis pawl nihcun an zumh.
2014 ahkhan Black Sea he aa tlaimi Crimea Peninsula a lak cang i, Ukraine a control khawh chap ahcun middles east he ipehtlaihnak lam kaupi aa sial bantuk a si cang lai, ti a si.UKraine nichuah chaklei hi February thla ahcun a khal freeze viar tawnmi a si i, khuasik lio ah tuk aa timhmi hrim hi fawite in lak khawhnak lam a kawl a si ko tiah an zumh.

US le NATO nih diplomatic in an fuh nain cohlang khawh lo ding in a demand a hal diam hna.A halmi hna cu, NATO hi Europe nichuah lei ah karhter lo ding. Abik in Poland Baltic States ah NATO vialte hi withdraw tuah viar ding pinah, US Nih Europe ah a chiahmi Nuclear hriamnam vialte lak dih dingin a hal hna. Asinain NATO le US nih an reject colh. US nihcun, “na tuk ahcun, na tuar bak” lai tiah an tlerh ve. Ukraine hi hlan ahcun Soviet Union Russia pennak chung ah a um balmi an si i, 1991 ah luatnak independent an hmuh.

Asinain Ukraine cu Russia nih ka unau an si a ti i, Russia 🇷🇺 tang ah um peng ding hi a duh. Abik in Ukraine 🇺🇦 ram hi EU le US he aa pehtlaihmi ram a si ding hi a ttih in aa tih.A duh lo. A ttihnak a ruang cu, Russia security a him ti lai lo tiah a ruah pinah, security nakin aa ttih deuh rihmi cu, Ukraine ahhin Russia miphun an tam caah, Democracy a tthawtnamnak hi Ukraine in an ttep ahcun, Russia ram uknak system an hnawrsuan lai tbk tiang hi an ttihmi a si tiah analysis pawl nihcun an tuak.2014 lio Ukraine ram a buainak zong kha Ukraine Mipi nihcun EU he pehtlaih an duh nain an president nih Russia he pehtlaihnak min a tthut diam i, Russia nih an hnek a si ko lai tiah mizapi an chuak i, sandahpiahnak a si.

An president cu an phuah khawh i, Mipi duhmi cozah thar nih EU he pehtlaihnak min cu an tthut tthan. Russia Putin cu a thin a hung i, lehrulhnak ah Ukraine thlanglei, Black Sea he aa tlaimi Crimea Peninsula cu a lak piak diam hna.Tutan Ukraine tuk a timh hi, a caan a zoh tikah US- Bidden zong hi a ngamh pah caah a si lai an ti. Cun, Covid ruang ah ram kip, anmah le an ram chung cio an buai lio a si caah, fawite in lak khawh dingin aa zumh caah a si kho tiah an tuak. China zong nih a von dirhkamh cang fawn caah, Bidden nih a kham khawh lo ahcun, tuk dawh a si ko, ti a si.

Credit: Zasang Cinzah

Author: Salai Ephraim