Russia President Putin A Piangthar Cang American Ram He Rian Kan Tuan Khawh Nak Caah A Herhmi Paoh Ka Tuah Piak Lai

Japan ram chung Osaka khuapi chungah G-20 Summit an tuah nak ah American president Trump le Russia President Vladimir Putin hna cu lungduh biaruahnak an nei kho i,cu lio ah cun Trump nih Putin sin ah cun kum 2020 American ram ithimnak dingah Russia ram cu rak i thlak bak lo dingin nawlpatnak zong a rak tuah.G-20 Summit an tuah dih in Russia President Vladimir Putin nih cun American ram he neih niam in hmun khat teah rian kan t’uant’i khawh nak ding a si ah cun American cozah nih a herh mi paoh cu ka tuah piak dih cang lai tiah a chim.

Russia President Vladimir Putin nih hi tibantuk in bia a chim nak hi ram tampi nih American ram uk bawi an rak ithim lio i buaibainak a chuahtertu le Ukraine ram buainak hi Russia ram a si tiah an chim i tehte tampi zong an chuahter caah,cu buabainak cu thianter dingin President Vladimir Putin nih hi bia a chim duh nak cu a si tiah an chim.cu pin ah President Vladimir Putin nih American Trump cozah he hmun khat teah rian t’uant’i khawh nak dingin timhlamh nak a nei taktak cang tiah an chim.

Cun, President Vladimir Putin nih vawlei ralpi pahnih lio i a ram mi pasal t’ha vialte hna philh lo na caah camtuak a voi 75nak cu kum 2020 May thla ah tuah t’han a timh i cu camtuak tuah a timh mi ah cun itel ve dingin American president Trump cu a chimh cia tiah an chim.President Vladimir Putin nih a chim ningah cun Trump he kaphnih cozah ipehtlaih nak lawng si lo in ningcanglo in hriamnam ser a hmang mi hna le chawlehnak a tuahtu ram vialte hna kong zongah rian t’uan ning ding an konglam cu i ceiht’i nak kan nei cang tiah a chim.

President Vladimir Putin photo.

Cun, President Vladimir Putin nih mah bantuk bia a chim mi hna cu American President Trump nih midang hna nak hmanh in Putin bia cu a lak i an mah he rian t’uant’i khawh nak dingin lam tampi a kawl cawlh ve tiah an chim.a mah belte President Vladimir Putin nih American ram kongah hi tibantuk bia a chim mi hna cu kap hnih ram uk bawi pawl hna nih a taktak in zei hmanh ipehtlaih nak an tuah mi cu a um hraw rih lo tiah an chim.

Source: CNN

Author: Salai Ephraim