Russia President Putin Nih Ukraine Ram Cu A Mah Kut Tangah Chiah A Timh Ko Cang

Russia ram nih hin kum 2014 lio ah Chaklei Ukraine ram Crimea cu a rak lak cang i,cu pin ah Chaklei Ukraine ram chungah buaibainak a chuak peng tik ah Ukraine president Voldymyr Zelensky nih cun a ran nak in an ram konghe pehtlai in Russia president Vladimir Putin he ton biaruahnak neih i an karlak ah remdaihnak ser dingin nawlpatnak a tuah tiah an chim.

Ukraine president Voldymyr Zelensky nih cun Russia president Vladimir Putin he hmai tonh ton biaruahnak kan neih khawh a si ah cun kaphnih ram caah thil t’ha a chuak lai i,kap hnih ram karlak ah zaangen i ti nak le pakhat le pakhat i doh nak vialte hna hi Putin nih remdaihnak ser a duh taktak a si ah cun kei nih cun timhcia ka si tiah social media video in a chim.

 

Kap hnih ram konghe pehtlai in Media pawl hna nih an chim ningah cun Ukraine president Voldymyr Zelensky nih Russia ram he remdaihnak ser dingin timhtuahnak a neih mi hi Russia ram he biatak tein rian t’uanti a duh cang ruangah remdaihnak ser a duh nak hi a si tiah an chim.cun, Ukraine president Voldymyr Zelensky nih a chim nak ah cun Putin he Europe ram chung khuapi a si mi Belarus khua ah ton biaruahnak cu kan nei lai tiah a chim.

Russia nih Chaklei Ukraine ram Crimea a lak hnu ah hin kum nga chung bak buaibainak a chuak cang.hi buaibainak vialte a daih khawh nak ding caah cun Russia ram he remdaihnak an ser khawh hnu lawngah i thah-nawn nak vialte hna le buaibainak vialte hna cu a thiang kho dingmi a si.Chaklei Ukraine ram chung ah buai nak a chuahtertu hna hi ralhrang an si i,cu ralhrang hna cu Russia nih a dirkamh peng hna ruangah Ukraine ram mi civil 13,000 renglo an thi cang tiah an chim.a mah belte Russia President Putin nih zei hmanh leh nak bia a chim rih lo.

Source: BBC