Russia President Vladimir Putin Cozah Nih Hriamnam 43,4,000 Renglo Hneksak Nak A Tuah

Russia President Vladimir Putin cozah nih hriamnam an ngeihmi hna chungin (Russian Navy’s biggest parade) hriamnam 43,4,000 le a cozah ralkap zei maw zat hna cu Gulf of Finland rili ah hneksak nak an tuah.Putin cozah nih a hriamnam le a cozah ralkap hna nih mipi theih khawh ding in le hmuh khawh dingin mah bantuk thil an tuah lio ah hin Russia mipi minung 1,400 tluk hna nih cun President Putin kan duh ti lo tiah biatak tein lam zawh nak an rak ngei ve.

 

Russia nih a tu bantuk in a hriamnam hneksak nak a tuah mi le mipi hna hmuh khawh dingin a cawlcangh mi hi cu hlan ah voi khat hmanh a rak tuah bal mi a si lo i,a tu tan ah Putin cozah nih a ram mipi hna hmuh khawh awk in thil a tuah mi hi a mah huatu a ram mi hna lem nak caah a tuah mi a si tiah an chim. Putin nih Russia ram hi kum 10 lengkai a pen cang caah a ram mi hna nih cun Putin si lo in mi dang nih Russia ram cu an pen ve awk a si cang.cucaah a tu ithimnak ah ningcang tein mi zei paoh candidate an tuah khawh nak hnga tiah a cozah sin ah mipi nih an au nak cu a si.

Asinain Putin cozah hna nih cun,a ram mipi lam zawh mi hna cu zei maw zat a tleih hna i thonginn ah a chiah hna pin ah an ram ithim nak caah i candidate kholo bak in a tuah mi hna zong an um.hi ruangah Russia opposition leader Alexie Nanvely zong a Nupi chuahcam tuak lomhpi nak caah Pangpar a cawk lio bak ah a cozah nih cun an tleih i thongah an khumh.Alexie Nanvely cu thonginn chungah ruahlo pi in taksa damlo nak nih a tlak tik ah lawyer pakhat nih cun thonginn chungah tur”poison”an pek mi si dawh a si caah mi zei hmanh nih an zoh kho rih lai lo tiah a chim.

 

Vladimir Putin hi Commander of the Western Military District Colonel General Alexander Zhuravlyov hna le Russian Defence Minister Sergei Shoigu pawl hna nih a keh/orh bak in an dirpi zungzal. cun, Russia nih a tutan i mipi hna hmuh ah a phozar mi hna hi Sovetsk small missile ship , P-104 Nakhimovets counter sabotage boat , Sukhoi Su-25sm jet aircraft, Tatarsna missile ship, Russian Navy Poltava 54-gun battleship, The Karakurt-class corvette, named ‘Sovetsk’, Sukhoi Su-30 fighter jets pawl hna an si.

Source: BBC

Author: Salai Ephraim