Russia President Vladimir Putin Nih Iran Kongah Saudi Siangpahrnag King Salman Abdullah bin A Va Ton

Russia president Vladimir Putin nih cun Ca cawn nikhatni ah khan Saudi Arabia ram cu a va tlawng i, Saudi Arabia Siangpahrang King Salman Abdullah bin Abdulaziz cu hmai tonh in ton biaruahnak a va ngeih pi.Russia president Vladimir Putin nih a tu bantuk in Saudi Arabia Siangpahrang a va tlawn nak a sullam cu Saudi Arabia ram le Iran ram karlak ah buaibainak a um mi ceihhmai pi dingah le Saudi Arabia le Russia ram i pehtleihnak kongah a si.

Russia president Vladimir Putin and Arabia King Salman Abdullah bin Abdulaziz photo.

Russia president Vladimir Putin nih hin a luancia kum 2007 lio ah khan Saudi Arabia ram cu voi khat a rak tlawng cang i,cu hnu in a tu hi a voi 2nak Saudi Arabia ram a tlawn a si.president Vladimir Putin cu King Khalid InternationalAirport in sunglawi ngai in an rak dawn.King Khalid International Airport in a t’um hnu ah Saudi Arabia khuahpi Riyadha  Al Yamamah palace ah Saudi Arabia Siangpahrang King Salman Abdullah bin Abdulaziz he hmaichan in ton biaruahnak an ngei cawlh.

Russia president Vladimir Putin nih cun Saudi Arabia ram le Iran ram karlak ah buaibainak le i theihthiam lo nak a um mi vialte hna cu a si khawh chungin kan ram hnih in kan i bawm lai i remdaihnak serkhawh kan i zuam lai tiah Saudi Arabia Siangpahrang King Salman sin ah a chim.cu pin ah Russia le Saudi Arabia ram “Oil” lei ah hmun khat teah rian t’uanti dingin ipehtleihnak minsen zong an thut t’i cawlh fawn.

Cun,Russia le Saudi Arabia ram nih zei tin dah kan ramri hna hi ralhrang hna lak in kan ven him lai ti mi zong i ceihti nak an ngei chih.a bik in a tutan an ceihkhan mi chungah a biapi bik hna cu Saudi Arabia le Iran karlak buaibainak le Saudi Arabia ram le Russia ram i pehtleih khawh nak ding le hmun khat teah rian an t’uanti khawh nak ding hna an si.an ram hnih ningin hawi kawm t’han an si khawhnak ding caah Russia president Vladimir Putin nih Saudi Arabia ram a tlawn nak cu a so bik tiah an chim.hi tibantuk in ton biaruahnak an ngeih dih hnu ah King Salman Abdullah bin nih cun Russia ram he biatak tein rian t’uanti dingin le ralhrang hna dohnak ding caah tawlrel cuahmah lio a si tiah a chim.Saudi Crown Prince Mohammed bin Salman zong nih Putin le Russian Foreign Minister Sergey Lavrov hna cu caan sau nawn lungduh bia ruah ti nak a ngeihpi hna.

Source:BBC

Author: Salai Ephraim