Russia ram chung khuapi a si mi Dzerzhinsk khuapi chung um factory lian taktak mi pakhat cu ruahlo pi in a kang ciammam i minung 79 bak nih mei hma in hliahma an tuar pin ah Inn 180 bak a kangh chih tiah an chim.Dzerzhinsk officials hna nih an chim ningah cun hi factory nih hin thil tampi an ser i,cu an ser mi chungah cun a puak kho mi bomb le hriamnam zong an rak ser tawn nak a si tiah an chim.
Cun hi factory konghe pehtlai in t’uanvo neitu hna nih cun hi tibantuk in kan factory a kangh lio ah hin mi zei hmanh rian an t’uanlo i factory chungah a zohkhengtu minung pa nga lawnglawng an um i an mah tuahmi a si le si lo cu theih khawh a si rihlo.cun cu hna minung panga zong cu nungdam tein an chuak kho fawn tiah an chim.cun mah hna nih an luat nak cu factory Inn thlalang an khua i lengah an chuah khawh nak a si tiah an chim.
Cun factory Inn chungah a um mi minung pa nga hna nih cun kan mah thah duh ah mi pakhat khat nih a tuah mithil a si lai tiah an chim ve.cun hi mei kangh nak konghe pehtlai in t’uanvo neitu Investigative Committee of Russia hna nih cun a kangmi factory Inn pi ah rian a t’uantu mi zei maw hna cu a mah factory Inn pawngah an um i cu minung hna le a pawngkam ah a chawk mi pawl hna hi hliahma a tuarmi cu an si tiah an chim.
Cu hliamhma a tuarmi hna nih cun factory a neitu hna sin ah an i zohkhenhnak ding chawva an hal hna.cun mei alh nih a hliau mi hna minung 79 ti lo,midang hna hi cu mei khu hak ruangah a tuarmi an si caah cikhat ah thlawp khawh an si lai tiah a chim.asinain hi mei khangtu cu a ho set dah a si ti theih a si lo caah dothlatnak tuah cuahmah a si tiah an chim.
Source: BBC
