South Korea ram khuapi Seoul ah a um mi presidential office nih cun Russia official pawl hna nih cun Russia nih ram ngaitthlinak caah a hman mi vanzuanglawng South Korea ram chungah an luhter mi cu ruahlo pi in a lut sual mi a si caah tiin South Korea sin ah nawlpatnak an tuah tiah an chim.cun, Russia official pawl hna nih hi tibantuk in South Korea sin ah nawlpatnak an tuah t’han mi cu China nih a thei ve loh tiah an chim.
Cun, Russia nih cun ruahlo pi ah kan vanzuanglawng cu technical lei hrasatnak an neih caah ruahlo pi in South Korea ram chungah theihternak tuahta lo in kan luh nak a si tiah an chim.asinain Russia nih South Korea ram chungah ning cang lo in an vanzuanglawng an luhter mi le ruahlo pi in technical lei ah harsatnak an ton mi kong cu zei thawngthanhnak hmanh a tuah loh tiah an chim.
Cu pin ah Russia defence ministry nih a ram chungah thawngthahnak a tuah mi cu phungdang pi in a chim,Russia le China ralkap hna nih tluang tein joint air patrol an tuah khawh tiah a chim.cun, joint air patrol an ngeihnak hmun hi Japan le China ramri,Nichuahlei China Sea ah an tuah tiah a chim.cun, Russia nih ningcang lo in South Korea ram chungah zei hmanh a tuah lo i, a lut zong a lut lo tiah a rak chim rih fawn.hi thil vialte hna hi China nih pakhat hmanh a thei rih lo tiah an chim fawn.
South Korea, Blue House biachimtu Yoon Dohan nih cun Russia nih nawlpatnak an tuahmi hna hi cohlan awk t’ha an si lo,zeicahtiah a ram chungah phung ning tein zei hmanh fianternak a tuah lo pin ah Russia ramngaituvanzuanglawng Skorea ram chungah an luhter mi cu technical lei hrasatnak zei hmanh a tel lo i timh ciammam tein an luhter mi a si tiah a chim.asinain hi thil kongah China nih a theih rih lo pin ah South Korea nih ngeihthiamnak zei hmanh a chim rih lo.Russia nih nawlpatnak an tuah mi lawng a chim.
Source: BBC