SAC Cu Mindat CDF Ah Naa Fonh Ah Cun Ting Sawmnga Pek Na Si Lai Ti A Si

SAC Cu Mindat CDF Ah Naa Fonh Ah Cun Ting 50 Pek Na Si Lai Ti A Si.Min Aung Hliang kuttang Mindat lei ralhrang pawl cu nan hriamnam he Mindat CDF sinah nan rak i fonh i, mipi he ka dirti cang lai a timi poh cu phaisa ting 50 pek nan si lai tiah Mindat CDF nih cathanh a chuah tiah thawng theih a si tiah The Green Hill Post nih a langhter.Credit: chinworld

Thawngpang dangdang: Htantabin Peng Sang le Khuate khuabawi 20 hrawng nih rian an chuahtak.PDF nih ralrin peknak ca an chuah hnu ah Bago Ramthen Htatabin (Thantapin) Sang le Khuate khuabawi 20 tluk nih an rian an chuahtak.SAC phu dirkamhnak rian hi August 15 hlan ah chuahtak u, tiah PDF nih August 5 ah khan ralrin peknak cathanh an rak chuah.

“Khuapi in Sang 6 le Ohnbin khua tel in khuabawi 20 tluk hi rian a chuahtak mi an si,” tiah khuami nih an chim.A rian a chuahtak mi hna donnak le NUG he riantuanti ding in sawmnak siseh, cun a rian a chuahtak rih lo mi zong nih chuahtak zokzok ding Htantabin PDF nih cathanh an chuah than.Credit: The Hakha Times

 

Ralhrang Vanralkap Hriamnam Chiahnak Inn Bomb In An Puah Magway ramthen ah a ummi ralhrang vanralkap hriamnam chiahnak inn cu August 8, tuzing suimilam pali hrawngah bomb pahnih in an puah tiah tiah theih a si. A thimi an um maw? Hriamnam zeitluk dah a rawk ti bel theihfian a si rih lo.“Vanralkap sakhan ah voihnih bomb a puak, a thawng zong a thang taktak. Zeidah a rawk ti cu kan thei rih lo” tiah cuka pawng a ummi pakhat nih a chim. Cuka hrawng a ummi PDF pahnih i komh in tuahmi a si tiah an chim.

Bithanuh PDF thawngthanhnak lei tuanvo ngeitu Bo Htan Htut nih “Atu i bomh a puakmi kong he pehtlai in kanmah Bithanuh PDF le PDF dang i komh in 8888 dothlennak kum 33 tlin ni ah ralhrang vanralkap hriamnam chiahnak sakhan kan puahmi a si. A hnu ah thawngfiang kan thanh than te lai” tiah a chim. Magway vanralkap sakhan hi hmasa zongah bomb in an rak puakhnawh bal cang, tutan hi a voihnihnak an puahhnawh a si.

 

Me Cazin Palhnak Kong Ramdang Palai Hna Hmaiah Kan Hrilhfiah Lai 2020 Kawlram thimnak ah me palhnak kong he pehtlaih in ramdang palai hna kan au lai hna i, an hmai ah kan chimfian lai tiah ralhrangbu hruaitu Bochokhmukyi Min Aung Hlaing nih August 7 Naypyitaw SAC zungah tuahmi SAC meeting a chim.

Rampi thimnak cu president thim dingin aiawhtu thimnak a si i, president nih cozah a ser lai i, biaceih bawi hna a khinh ding a si.Uknak, biaceihnak le upadi sernak vialte a tawlrel tu ding an si caah me dik lo in thim mi cozah cu dinnak zong a um lo.

Me cazin dik lo mi kan hmuh mi cungah chimfianh dingin kan ti zongah an tuah hlei lo. Me a dik lo mi kong he pehtlaih in ramdang palai hna kan auh hna lai i, tette he kan chimfian lai tiah ralhrangbu hruaitu nih a chim.Ralhrangbu nih kan hnu cozah lutlai hna hremnak kan pek mi hna hi ramkhel kong a si lo, phung an buar ruangah kan hremmi hna a si.

Ralhrangbu nih me cazin diklo kan theih hnu December le January thla ah chawnhbiaknak he kan tawlrel nain an duh lo hnuah ram ralchanhnak zong an tuah rih tiah Bochokhmukyi Min Aung Hlaing nih a chim.

Ref: TRN (TCP)