SAC Ralhrang Le BGF Pawl Anmah Le Anmah An I Kahnak Ah 20 An Thi

SAC Ralhrang Le BGF Pawl Anmah Le Anmah An I Kahnak Ah 20 An Thi.Mon ramkulh, Thahton myone, Htunbolay-Htunbogyi khua hrawnghrang ah September 23 ni ah SAC ralhrang phu le Karen ramri hngak ralkap BGF (Border Guard Force) phu pawl anmah le anmah an i kap sual i minung 20 an thi tiah KNU Tatmaha 1 nih an chim.

“Anmah ralkap lei hmunhma thianhtu pawl an cawlcanghnak ah BGF cu KNLA ah an ruah sual i SAC ralhrang pawl nih an kah hmasa. Cu ti cun khat le khat an i kah i 20 an thi. Kap hnih ralkap a thimi dihlak 20 an si” tiah KNU Tatmaha 1 in ralbawi pakhat nih Yangon Khit Thit Media ah a chim hi a si.

Hi SAC ralhrang le BGF pawl an i kah sualnak kong he pehtlaih in SAC ralhrang lei nih BGF pawl an cawlhcanghning an lung tlin lo caah an kah hramhrammi a si tiah khuami cheukhat a chimmi zong an um tiah Karen media Salween Press zong nih a langhter ve tiah KTM nih a tarlangh hi a si.

Credit:Khit Thit Media ( Chinland News Agency – CNA)

Author: Salai Ephraim