Ralzaam dirhmun taktak hi mit bak in hmuh i tawn ve lo ah cun zeitluk in dah ngaihchia a si i ahartimi hi i fian khawh a silo.Keimah pumpak zong an umnak hmun ka phak hnu i ka ruahnak le ka rak phanh hlan i ka ruahnak cu Van le vawlei bang a dang.Minung cu kan tawn mi thil nih hin kan nunnak ah hmual an ngeih bik ca ah Hi ralzaam hna ca ah hmai lei an Lamtluan ruahpiak ah cun a tu tiang cun a pit bak.
Ralzaam pawl hi Upa hngakchia in bia kan hal hna i, hi ka nan umnak ah zeidah nan herh bik mi a si tiin an chim mi cu rawl facang kan herh bik an ti dih.A ruang cu facang hi Phurhnak nawl thatein an lak dih hnu lo ah cun phurh khawh a silo.cu nawl la ding cun ralzaam mi hna nih an tuah khawh mi a um lo. Cu si tikah minung 600 leng umnak ah facang thlakhat ah bag sawmnga hmanh a luh loh hi cu ei awk cu ngeih awk tha fawm lo. A cozah ralkap lei zong nih hin thi dih ko hna seh an ti khi ma si hnga!
Facang cu a cawknak an ngeih cun cawk khawhnak nawl le phurhnak nawl tal cu an pek ve hnga lo ruah awk a tam ngai. Van ruah taktak ah cun mitthli a luangti long a silo,thinlung bak khi a kekkuai dih. Tarnu pakhat nih cun a caan ah cun mah tein i thah ko khi ka duh,a sinain ka tu le tete ka hmuh hna tik ah le lungfah ngeihchiatnak pek ka duh rih hna lo ca ah hin tu nitiang cu dirhmun harsa ngai in ka nung tiah a chim. Paletwa ralzaam hna an camp taktak Mizaa hi NGO,Unicef hmanh an phan ngam lo. Kan vaphak tikah hlung hlai ngai in an rak kan dawn,vok hna an rak kanthah bawmh nak pek awk ah kan vakal hnawh mi hna nih vok an rak kan thah cu kan lau, nain an thah mi vok cu an cawkmi a si i kanmah nih a man cu kan liam liak hna.
Ti din awk zong an ngei lo.Din awk chim hlah,tipung hmanh an ngei lo, Tinbawsii a dur nganmi tia hrawng khi Unicef nih an rakbawmh mi hna an ngei mah te long cu a siko.Ti laknak le a hlat pah, an nun khua sak ning a har ning khi mu chim relthiam hi a har, interview kan tuah hna i an harnak kong an chim ah hin kei cu ka rak tap, ka sum len nain ka sumkho lo voitam ka mitthli ka hnawt, ngai ve uh hmu ve uh thei ve ulaw Pathian maw nan mawh chiatlai,siloah,AA le Kawlram Cozah dah. Ruah awk zong nan hngal lailo. An zaan mang tiangin an mitthlam ah AA an cuang an tih hna, an au khuang,zaan hmanh an it kho lo.An mah chim hlah kan mah ni hnih khat te caam in a va kal mi hmanh dawh tha ter in thih kan i timh.an nih thlasarih,kum tiangin a rak tuar cang mi hna ca ah cun a fawi lo.
An tawn mi hi an chim ngam dih lo nain Nu an ca zongah an dirhmun ahimlo nak cu an chim ning nih a lang ko.Lai mi nih kan si kan ti.Khumi deuh cu va um ta rih ko hna sehlaw,Kan mah Halkha holh a hmang mi Laimi an rak um ve inn 27 an si. An kan hmuh i kan chonh hna ah khin an mitthli he bia an kan ruah. Sianginn Uniform an fa le an cawk khawh hna lo ca ah Sianginn kai nak ah harnak an tawn ning hna an chim. Cu lak ah Bawm miphun kan unau hna chungkhar pakhat hna anpa cu PASTOR tuan mi a si. Ralzaam dirhmun in an dir ve. Pathian rian a tuan thiam rih Halkha thantlang lai mi nih kan va tluk hna lo zia khi mu.Hngakchia tete ruahsur le nilin khua al lak ah lamhlat ngaiah sianginn kai ah chin lo le ke denh lo in an kalnak an kai nak hna hmuh ah khin cun, calcung kut chuan in nun hi aw ti a fawi.
Ralzaam ei awk an nei lo, nain paletwa khuapi ah ralzaam bawmhnak fa cang bag 500 leng a um mi kan mit in kan hmuh,cu cu thatein an phaw zaam kho hna lo.Lai mi pawl,Khrihfabuu nan si ah,zeiphu nan si hmanh ah bawmhnak pek nan duh hna a si ah cun,Paletwa a um miphu sin ah Chia hlah uh. Nan mah mipum kal uh silo ah kan mah kan pehtlai uh lam kan in tuantan pi hna lai.Nan kuat mi hi. Cheuthum ah cheu khat cu a tlauhrimhrim, an um nak camp tiang hmanh kal ballo mi nih an dirhmun thei fianglo in cun zeitin an bawmh khawh hna lai.Cu an ca ah bawmhnak a lut cang ko mi hmanh an va pek hna tikah phurh man,lansa zaih man an halrih tawn hna.
Bawmh herh mi si na lak ah phaisa va hal veko hna cu rih in minung hmanh an si ma ti awk in. Kan mah mipum va phanh kal kan i timh hmanh ah a kan kham kal lo dingin an a kan ti, kan nih nih kan kalruang i kan thih hmanh ah kan thi ko lai tiin zeipoah tawn i huam in an umnak hmun kan va phanh cu lung a zawr,A tu ah khin ei awk an nei tilo nain paletwa ah cun an ei ding ah bawmhmi fa cang cu tampi a um rih zeitin tuah an timh.Minung pakhat hngachia upa thleidang lo in milu khat ah 30000 cio kan pek hna, chungkhar milu panga an si cun tingkhat le cheu tinak a si.
Kan pek lio hna ah an chuak i an umnak kam khua ah facang cawk ah Direct in an kal colh kan tin lei le an rak tlun kan i tawng hna,kan ruah khawh mi cu mah ah khan ei awk a rak ngeitilo mi an um ti cu a fiang,an cawk mi cu an lu cung te ah khin an van i chuan i an rak tlung.Meh cu an ruat khang lo rawl long kha an ruahmi si. Meh chim hlah kawl hai ei hmanh khi Ramtha phak na duhnak in an duh an haw deuh nain an ei kho lo. Sa chin cu an eilo nak a sau cang.cu chin chap ah vok bak an kan thah an thinlung ken hi a tha an i zuam, bawmh an phu tuk.An chim mi cu hi kah dohnak hi an ngawl hlan lo cu kan kir ngam tilo tikah, hi kan inn sak mi hi cu kum khat ah a rawk lai, i a cozah lei nih hin zeiti tal in a kan khan piak kho lai maw tihi chin Cozah sinah bia pakhat cah an duh mi a si.
Pahnihnak ah;Sianginn ah cawn mi Baata hi pakua an ngei i pali long an sin ah a um a dang an ngeilo, u pawl khian piak ding le Sianginn ca chim hi minung paruk ding an si i pahnih lpng an um i a dang pek an herh zia zong Chin cozah sinah kan chim piak uh tiah an kan ti.
Ka rak pehthan lai. Kalay ka phak in.Salai Csthang Cp
Credit: Salai Csthang Cp