Aizawl khua lai cem ah Gandhi zukp;India ram independence ngahtertu Gandhi zuk cu Mizoram khualipi Aizawl khua lai cem bak ah rumra ngei ngai in an bunh, 1985 kum ah. Tuni tiang an tamh, zoh dawh ngai in an zohkhenh i upatnak an pek.Hi Gandhi zuk ruang ah India miphun dang nih Mizo nek deuh a um lai ka zum lo, India rammi kar lungrual deuhnak tu a chuahpi lai ka zumh.
Tulio Chin mino lakah rampi level lungrualnak union spirit a tuakmi kan tlawm, mah miphun tanh in miphun dang huatnak racism, nationalism karhter ai timmi kan tam. Kan miphun caah chiatnak ngaingai a chuahpi lo ding Gen. Aung San zuk kong hna ah thih ngamh in a buaimi cheukhat hmuh tikah lung a tha lo ngai ko tiah a chim.
Cun, Chin party kongah Salai Lungthli Tum nih a chim rih mi cu; Chin party(CNLD) a tanh lomi cu ‘sal lungput ngeimi’ nan si tiah CNLD luthum lakah lukhat a si vemi Pu No Than Kap nih a chim.Keimah Salai Lungthli Tum bialeh:Chin mipi nih vote in thim taktakmi mandate ngei party um sehlaw aho poah nih cu party cu kan tanpi bak lai. Nain, atu CNLD kan tanpi lomi cu mipi caah zumh a tlak lem lomi minung No Than Kap le Zo Zam bantuk nih nan hruai caah a si.A cung ah David Ngaisak ka telh lo, aruang cu nan pathum lakah amah hi zumh tlak deuh tiah ka ruah caah a si.
Mipi nih Chin party kan tanh loh si loin party lutlai kan in zumh hna lo, nanmah pawl nih Chinram nan hruai ding kan tih bia khi a si.Biana ah, ram a daw taktak tiah zapi nih zumhmi Dr. Sasa, Dr. Lian H Sakhong le Dr. Hre Mang tbk nih Chin party dirh hna sehlaw zumh an tlak caah kan tanh cio ko hna hnga. Anmah hna cu mipi vote in thimmi an si lo zong ah zumh cia an si, nain nanmah CNLD hruaitu cu mipi nih kan thimmi nan si lo hlei ah kan in zumh fawn hna lo, zumh zong nan tlak lo.
Hnu lei tuanbia le tuahsernak tuaktan lem loin Chin min ai telmi party pakhat dirh ruang men ah mipi nih an kan tanpi hrimhrim a hau tiah ruah cu pialsual ruahnak a si.Keimah Lungthli Tum lila zong nih ka duh ahcun Chin min ai telmi party pakhat ka dirh khawh. A fawi tuk. Nain, mipi nih thazaang peknak ding caah cun ka tuanbia, ka tuahsernak le kai tinhmi hi a biapi bik an si.
2015 thimnak ah zohchia tuk in nan sung i 2020 ah sungh rih nan tih caah a min menmen in party pakhat ah nan i fonh. Chairman zong nan i kianh duh lo hlei ah 2020 thimnak tiang ah i thim nan i tim lo. Zohchia ngai in luthum ngei party ah nan i chuah. Zumh awk le tanpi awk ngai nan si maw?
Note: Nai CNLD kong ka cabia pakhat ruang ah tlerh le warning nan ka pek len, cozah ser taktak ulaw kanmah pawl thah ding ah Khin Nyunt bantuk in special squad hna nan ser te men lai.
Credit: Salai Lungthli Tum