Salai Lungthli Tum Chinram CM Caah Pu Soe Htet Ka Uar Bik

Pu Lian Luai cu Pu No Than Kap nih vangkhen in tengh a timh an ti i a tengh khawh ahcun Chief Minister hmunhma a lawng te lai. Kei cu NLD candidate lakah CM caah Ralbawi Soe Htet (Bokyi Salai Mee Luh) khi ka uar bik.

 

NLD cozah vuanci lak ah Hakha zung lutlai pawl a hro ngammi cu amah lawng hi a si, a rengh khawh dih hna. Mipi hmai ah cun a aw nem than, mipi kha amah nak sang deuh ah a chiah khawh. A fel fawn. Pengtlang tanh hleinak lungthin a ngei lo. Chin timi lungput fek tein a dirpimi a si. Cathiam zong a si.

Hakha innhmun samh khi Isaac Khen phu nih caan sau taktak an kalpi i zeihmanh an lim kho lo, Pu Soe Htet nih chikhat a lim khawh. A dik, zapi caah a tha tiah a ruahmi ah cun inn theh zong a tih ve lo. Cakei si ve.

 

‘USDP cozah nih CNF/A hi Paletwa peng ah umnak nawl rak pe ko hna sehlaw AA an lut lai ka zum lo, hriamtlai veve an si i phu khat le phu khat hmunhma i upat cio a si lai caah’ tiah a chimmi hrim kha ka uar tuk.Atu lio Chinram NLD cozah vuanci ah cun amah lawng hi ka uarmi a si. ‘Lau hna seh’ kha cu thimnak lut ti hlah sehlaw a tha tuk lai .

Credit:Salai Lungthli Tum