Salai Ro Cung Lian Nih Mual A Kan Liam Tak Ralhrang Citmi Motor Kah A Si Ralhrang An Thi Dih

Mizoram Ah Ralzaam Chin Pa Nunnak A Liam!Mizoram Lunglei ‘district’ Thaizawl ‘Refugee Camp’ ah ralzaam in khuasami Salai Ro Cung Lian cu December 28 lio i cycle lehnak ruangah Lunglei sii-inn ah thlopbul a si nain December 31 zing suimilam 1:oo tluk ah a nunnak liam tiah theih a si.Salai Ro Cung Lian cu Chin ramkulh Matupi peng Banine khuami a si i a pa min cu U Sang Lo Ei a si tiah theih a si.

Ralhrang Ciitmi Mawtaw An Kah, An Dihlak In An Thi!Sagaing ramtthen Myothit pengchung ah rallam sialtu hna SAC ralhrang le an kuttang hna SNA le pyusawhti hna ciitmi mawtaw pakhat cu PDF fonh nih an kah hna caah a chung ummi ralhrang 7 an thidih hriamnam zong lakchih an si tiah PDF nih thawngthanhnak an tuah.

December 28 zing suimilam 9:00 tluk ah KNA (Burma), KCNDF le tualchung hriamtlai fonh hna nih an kahthah hna i 40MM hriamngan pakhat le Bomb kuan 14, M4-16 meithal 1, AK-47 meithal 1, M-92 meithal 1, 81 meithal 1, 9mm pistol meithal 1, 380 pistol meithal 1, Kuan bawm, phone pawl hna le meithal kuan tampi hna zong lakchih an si tiah PDF nih thanhca an chuah.

Credit: The Chin Post

Author: Salai Ephraim