Salai Rung Lian Ceu Nih Salai Biak Hmun Sang Cu A Singkhaw Than Cang

Lai pacak Salai Rung Lian Ceu cu Vaurawng zunthli media nih online ton biaruahnak an neih pi khawh.Salai Rung Lian Ceu nih a can a neih lo caah caan tawi te chung a tel pi khawh hna i Lai paih konghe pehtlai in riangrang in a lung duh bia le siaherh bia zong a chim.

Salai Rung Lian Ceu nih a chim mi hna cu, Salai Biak Hmun Sang he kan i paih kha cu CDF caah a si caah ka paih mi a si.CDF caah si hlah sehlaw paih zong kan tim ti lem lo.cun, Salai Biak Hmun Sang nih a kan tei ning, a kan tengh ningah cun chim awk ka nei lo a kan tei ko.cuhlan ka paih bantuk in ka pai lo pin ah a kan tei hrim ko tiah a chim.

Cun Salai Biak Hmun Sang cu November thla chungah i paih t’han dingin ka singkhaw i leh nak, ka bialehnak zei hmanh a kan tuah kho rih lo.cuhlan ah cun Lai paih hi ka pai ti lai lo tiah biachahnak ka ngai cang na in hi hnu kum 5 chung cu ka pai t’han rih ko lai.Salai Biak Hmun Sang nih ka singkhaw mi a ka cohlan ah cun a nuam tuk cang lai.a ka cohlan lo zongah kum 5 chungah cun kan i tong hrimhrim lai.kei mah zong biatak tein tiahtuah nak ka nei cuahmah than tiah a chim.


Tutan kan i paih nak konghe pehtlai in Salai Biak Hmun Sang siseh, Mipi siseh nan sin ah chim ka duh mi cu World championship taisawm cu kei mah Rung Lian Ceu kut ah a um lio a si.nai kha cu CDF paih a si caah Biak Hmun Sang kut ah a um awk a si lo.World championship taisawm a kut chiah khawh nak caah cun kei mah a kan paih t’han i a kan tei hnu lawng ah a ngah mi asi tiah a chim.

 

Biakilh: hi capar hi Vaurawng zunthli media nih online biaruahnak a tuah mi chungin lak mi a si.