Salai Van Lan Tan: Lih Hrawkhrol Chim Hmangmi Hna Le Pathian Bia 2 Corinthians 1:18-20

Ni fa ti’n in bia kan chim tam cem mi cu,”asi ti le a si lo” ti hi a si men lai tiah ka ruah.cu pin ah bia kan chim tam cem mi lak ah “asi” tiah kan chim ah maw?asi loh tiah bia kan chim mi lak ah hin a tam deuh cu “Lih” hrawkhrol lawngte an si.ni fa ti’n minung nih bia kan chim mi vialte hna hi zaan kan ih lio ah fian rial te in vun ruah t’han tik ah cun “ahman mi nak in a hman lo mithil” a tam deuh tawn.tachunnak ah Hngakchia kan chawnh tik hna ah an tuah lo dingmi zong a tuah piak hna ding bantuk in bia kan chimh hna i minung nih “Lih” hrawkhrol kan chim nak cu Hngakchia hna kan chawnh biak lio ah a lang bik.

 

Cun, Hngakchia hna sin ah cun bantuk bia “Lih” hrawkhrol kan chim mi cu a poi loh tiah kan ruah.a taktak le a ngaingai kan ti ah cun minung nih a po lo tiah kan ruah mi hna hi a rak poi taktak mi cu an si tawn.”Lih” hrawkhrol konghe pehtlai in kan Baibal thiang nih cun hi ti’n a chim,”Matthew 15:10 ah cun, Mi cu a kaa chung i a lutmi nih a thurter lo,sihhmanhsehlaw a kaa chungin a chuakmi tu nih hin a thurter(A man is not defiled by what enters hismouth, but by what comes out of it)tiah a chim.curuangah cun kan kaa in “Lih” hrawkhrol hi tamtuk in kan chim awk asi loh!

 

Cun, Pathian nih ahman mi hna hi “Lih” hrawkhrol an kaa in tamtuk a chuahter mi hna cu a hmang duh hna lo.an kaa in “Lih” hrawkhrol a chim lo mitu khi zei bantuk an si hmanh ah Thing Thlarau nih a ngamh hna nih Pathian nih a hman khawh hna.cun,Khrihfa a si cangmi hna nih biachia le ningcang lo bia a si mi hna bia-hla cu a hrial bak in kan hrial awk an si.Pathian nih a hman cuahmah hna zong biachia a chim tamtuk mi tampi an um.thluachuah hmuh cu kan duh nak in “Lih” hrawkhrol le biacha kan chim peng, mah hi ruangah hin thluachuah kan hmuh lo nak cu a si.

 

Chin ralzam tampi nih “Lih” hrawkhrol tampi kan chim,asinain “Lih” hrawkhrol kan chim mi konghe pehtlai in Pathian nih a ngeih thiam khawh mi le a ngeihthiam khawh lo mi a nei ve.cucu kan Baibal chungah,”Abraham cu KANAAN ram a fuh lio ah khan lampi ah Phillistia ralbawi Abimelek ralkap hna nih an tleih i Abimelek hmaiah cun Abraham nih a Nupi Sarah cu ka farnu a si tiah a chim.aruang cu Abimelek nih Srah cu Nupi ah aa tuah sual lai ti kha Abraham nih a phan caah a si.cu tik ah Abimelek nih a Nupi hrangah Sarah cu a hruai i Pahtian nih Abimelek zaanmang ah cun Sarah hi Pasal neicia a si caah Nupi ah na tuah awk a si lai lo tiah a chimh i Sarah cu Abraham sin ah a pek t’han ti kha kan hmuh.

 

Cu lawng si lo in Abraham bantuk in a Nupi bak a si ko mi ka farnu a si tiah a chim tu hna hi Genesis 20:1-13 chungah Isak nih a Nupi a dawh taktak mi Rebecca zong kha Phillistia pawl hna sin ah Abraham bantuk in a chim ve ti kha Genesis 26:7-9 ah kan hmuh.hmaizarh ah peh t’han ding…

 

Credit: DBCF Meifar