Sang Hre Biaro Ling Pawl Hi Rak Rel Ve Hmanh An Tha Kho Taktak Si

Pu Sang Hre hi kan Laipa ah cun paza bak a si.a rian t’uan ning le a cawlcangh ning zoh tik ah kan ram le miphun caah a pum a pe taktak mi a si.a rian t’uan ning konghe pehtlai in miphun zawn ruahnak a neih mi vial hmanh ah hin upat awk a tlak ngaingai mi a si tiah ka ruah.a tang lei ah hin Pu Sang Hre nih biaro ling a chim mi tampi chungin tlawnpal ka vun langhter rak rel ve hmanh a t’ha ngamsam.

Nai cawmnak caah tangka hmuh/pek in na tuan mi rian paoh hi rian hmete, rian te nau an um lo. Rian lian, rian ngan lawng te an si.Rian a upat lo mi cu mi thangcho lo mi an si. Zei rian na tuan mi paoh na lungthin dih lak le na thiamnak dih lak in tuan i tim.

Na rian na tuan pah in na phak kho lo ding mi, na fimthiamnak zong nih a tlinh lo mi rian hna khi hngar len hna hlah. Na tuan mi rian te kha nuam te in tuan ko. Fak piin i zuam fawn.Cu ti na tuah ahcun na ngandam lai. Na lungthin a dam lai. A nungmi Pathian zong na hmuh khawh deuh lai.

Nitin Rawl (Daily Bread) Ningcang loin mi hngar hna hlah. Mi na hngar chung paoh cu na chung lei in na zaw peng lai.Mitthli le pawtam lengmang in sianginn kai in degree a hmu mi hna khi awl tuk in soi hna hlah.

Zei tluk rian sang le degree sang na lak zongah na tang um mi hna khi na cil cha lai ci. Nangmah bantuk an cawisang tu an si.Zei hmanh cawncannak na ngei kho lo kha tha tein i hngal ko.

Upa dirhmun thim mi na si caan paoh le cung kai in biachimnak caan tha na hmuh paoh ah fimnak le catang sang kai nak rumro hi doh hlah. Ramthumnak na phaknak ram hna hi cawncannak le fimnak a ngei mi hna nih sak mi ram a si hi philh lai ci.

Credit: Sang Hre

Author: Salai Ephraim