North Africa ram a si mi Sudan ram cu Saudi Arabia cozah nih dollar $250 million bak ka bawmh hna lai tiah Sudan central bank ah a hluai cang tiah an chim.Sudan ram mipi hna nih cun an ram president Omar al-Bashir cu a t’hutden cung bak in an rak thlak cang i,president Omar al-Bashir nih a rian a kal tak ni bak in Sudan ram cu chawva lei ah biatak tein harsatnak an tawng cuahmah.
Cun president Omar al-Bashir nih a rian a vun kal tak tlawmpal April thla chungah khan Saudi Arabia le United Arab Emirates nih cei lak te Sudan ram cu phaisa an rak bawmh cang fawn hna.cu hnu ah a tu hi Saudi Arabia nih a voi 2nak bawmh a timh t’han hi a si tiah an chim.
Saudi Arabia finance ministry nih cun Sudan ram kan bawmh mi hna hi phaisa lawng si lo in Sudan mipi hna nih an herh khun mi tirawl ei-din hna le hni-puan fenh eih le si-ai tampi kan bawmh hna.cun United Arab Emirates nih dollar 250 million an rak bawmh cang mi hna he cun Sudan ram mipi nih t’hat hnem nak ah an hman hrim lai tiah kan zumh a tiah a chim.
Source: BBC
