Saudi Arabia Nih A Ram Nu Pawl Hna A Cawimawi Ning Hna Cu Dah Ngai Reng Sangcem An Tleihkhawh Nak Ding Lam A On Piak Hna

Saudi Arabia ram ah cun Nu a si mi hna nih an mah duh paoh in Pa a si mi hna hmai ah i chawh le thil tuah an rak senh hna lo.a fawi nak kan chim ah cun vawlei cung ram hna lak ah Nu an nautat nak cem khua le ram an si.a mah belte nikum ah khan Saudi Arabia Nu zei maw zat hna nih Saudi Arabia ram uk bawi hna sin ah an duhlo nak langhter in NU hna nih Pa bantuk in zei thil paoh kan tuah khawh ve ko tiah bia an rak chim,cu hnu ah Saudi Arabia ram uk bawi pawl hna nih Saudi Arabia ram Nu zei maw zat hna cu an ram chung i chawhlehnak motor (taxi) mawngtu ah Licence a rak pek hna.

Saudi Arabia Nu ralkap photo.

Cun, a tu zongah Saudi Arabia ram uk bawi pawl hna nih an ram Nu hna kongah nawlbiathar a chuah piak t’han rih hna.Saudi Arabia ram Nu hna nih an thiam nak le an thilti khawh nak nih a tlinh paoh a si ah cun Saudi Arabia ram ralkap rian sangcem mi tiangin nawlngeihnak an hmuh khawh (ngeih) khawh cang lai tiah thanhnak a tuah t’han rih.hi tibantuk in Saudi Arabia ram uk bawi hna nih Nu hna caah thil kan tuah mi hi Saudi Arabia ram Nu vialte hna nih an dirhmun remhnak caah le Nauta mi Nu an si ti nak hngalo sersiam kan duh hna caah a si tiah an chim.

Vawlei cung ram vialte hna lak ah Saudi Arabia ram hi Nu hna zei an rel lo nak cem ram le Pa hna nih Nu hna cu sal bantuk zoh in Nu nih nawlngeihnak a neihlo nak ram an si.asinain Saudi Arabia ram uk bawi pawl hna nih duhsah hmuansam tein a ram Nu pawl hna sining theih thiam piak in Nu hna cu an dir hmun sersiam piak cuahmah a timh cang hna.Saudi Arabia ram Nu pawl hna nih an fimthiam nak le an taksa pumrua nih zei tluk hmanh in sinak pakhat khat co dingin fimthiam nak ngei hmanh hna sehlaw an ram uk bawi pawl hna nih an duh hna lo.

https://youtu.be/FDTUPKo7XJ0?t=245

A bik in Saudi Arabia, security force ralkap siding le bang ah cun an ram uk bawi pawl hna nih an i fahsak taktak ti a si.hi konghe pehtlai in Saudi Arabia Crown Prince Mohammed bin Salman nih cun Nu hna nih Nuhrin covo an ngeih mi hi zei tin dah ka sersiam piak hna lai tiah kum 2 dengmang rian a t’uah hnu ceo ah an ram chungah Nu nih motor mongh khawh nak nawl le an ram ralkap sinak a sangcem mi tlai kho ding le Pa hna um nak hmun zongah a herh ah cun an mah Nuhrin Covo hmangin zalong tein chuahluh khawh nak nawl a pek cang hna pin ah dusah tein Nu caah biatak tein rian t’uan a tim cuahmah cang tiah an chim.

Source:BBC

Author: Salai Ephraim