Saudi Arabia Nih Iran Cu US Nih Tu Lo In Kei Mah Nih Ka Tuk/Doh Lai Timhcia Ka Si

Saudi Arabia Minister of State for Foreign Affairs Adel al-Jubeir nih cun US cozah le Iran cozah karlak thil kongah ramdang mi hna cu remdaihnak serpi dingin ton biaruahnak a neih pi hna,asinain Iran cozah nih US he remdaihnak taktak ser duh lo in a kaa lawng in remdaihnak ser ding in bia a chim lengmang ruangah,Iran nih US remdaihnak a serpi duhlo a si ah cun Iran cu kei mah nih a t’hazaang dihlak in kan phomh lai tiah tiah a chim.

 

Iran nih US he remdaihnak tuah a duh t’unglo ah cun i tuk/doh a thim deuh ti nak a si caah kei mah nih doh dingah timhcia bak ka si.zahan ah khan Saudi Crown Prince Mahammed bin Salman le US Secretary of State Mike Pompeo hna cu phone in an i chawn i US le Saudi cozah ralkap hmun khat rian t’uanti nak ding le zei tin dah hma kan lak lai tiah i ceih ti nak zong an nei cawlh tiah an chim.

 

 

Cun Saudi nih US Secretary of State Mike Pompeo cu a ra lai mi May 30 i Arab ram hruaitu vialte ton biaruahnak an tuah dingmi ah telpi ve dingin a sawm i,khi ton biaruahnak ah khin Saudi Arabia tilawng ‘oil sector’ a phurtu a kaptu ah Iran an puh mi kong zong i ceihti nak neih a si lai i a herh ning in Iran cozah cu dantatnak tuah piak dingin biachahnak zong tuah cawlh a si lai tiah an chim.

Source: CNN

Author: Salai Ephraim